Pirja e një kafeje në mëngjes para nisjes së punës, me kolegë apo shoqëri është thuajse rutinë e secilit, por që përhapja e pandemisë globale Covid-19 bëri që të gjitha kafiteritë të mbyllen.

Për gjithë ata që janë mësuar ta nisin ditën me një espresso, machiato apo pa plum, vjen një lajm i mirë.
Nga 18 maji, kur nis faza e dytë e implementimit të masave lehtësuese, do të hapen kafiteritë ku qytetarët do të mund të marrin kafe me vete.

Ndërsa, me implementimin e fazës së tretë, e cila fillon së zbatuari me 1 qershor, do të hapen të gjitha kafiteritë, ku gjithë qytetarët do të mund t’i frekuentojnë ato dhe t’i kthehen rutinës së tyre.Kafiteritë janë mbyllur në fillim të marsit të këtij viti, vetëm pak ditë para konfirmimit të rastit të parë me koronavirus në Kosovë.