Kryeministri në detyrë, Albin Kurti ka thënë se një lloj sulmi të jashtëm e kishte Qeveria e tij, përpos opozitës e presidentit.

‘’Në njërën anë opozita e presidenti, e në anën tjetër kishim organizimin e një marreveshje të gatshme Kosovë-Serbi, ku e kishin futur ndërmjetësues edhe Grenellin në menyrë që përgatijet tona për dialog, t’i zëvendësonin me një festë pas marrëveshjes së gatshme. U krijua një lloj sulmi i jashtëm mbi qeverinë demokratike të Kosovës’’, ka thënë ai sonte në TVSH.

Për Grenellin, thotë se ka një karakter ndryshe nga diplomatët tjerë.

‘’Ka një karakter tjetër fare, cfarë nuk kemi parë tek diplomatët tjerë. Ndonëse qasja ime ishte konstruktive, nuk u kurorëzua me sukses’’, ka shtuar ai.