Ka përfunduar mbledhja e Grupit Parlamentar (GP) të LDK-së.

Shefi i këtij grupi, Arben Gashi tha se në praninë e deputetëve të kësaj partie në këtë takim është diskutuar për propozimet fillestare të Qeverisë së re.

Pas këtij takimi koordinues, ai tha se brenda ditës së sotme dhe nesër presin ta harmonizojnë koalicionin me AAK-në, Nisma-n dhe Listën Serbe.

Ndërsa për partinë e Behgjet Pacollit, AKR, Gashi tha se janë në komunikim të vazhdueshëm mirëpo që ende nuk është vendosur se a do të jenë pjesë e koalicionit me LDK-në.

“Shprsojmë se brenda ditës së sotme ose nesër të mbyllim çështje e koalicionit. Sapo ta përfundojmë koalicionin ne do të procesojmë seancë të re në Kuvend për votimin e këtij koalcioni qeverisës”, tha Gashi.

Ai tha se LDK-ja ende nuk e ka marrë mandatin nga Presidenti Hashim Thaçi, raporton Front Online.

Ndërkaq sa i përket Listës Serbe, Gashi tha se do të jetë pjesë e koalicionit, pasi që sipas tij, këtë të drejtë ua jepë edhe Kushtetuta e Kosovës.

“Lista Serbe so të jetë pjesë e koalcionit qeverisës. Kushtetuta e Kosovës po ashtu ua mundëson të jenë pjesë e qeverisë. Njëri prej tyre do të jetë ministër ne Qeverinë e ardhshme”, tha më tutje ai, raporton Front Online.

Takimi i sotëm sipas Gashit ishte vetëm për propozimet fillestare dhe që pas arritjes së koalicionit do të shqyrtohet në Këshillin e kësaj partie e më pas do të thirret seanca në Kuvend./Front Online.