Artan Behrami, këshilltari i Presidentit të vendit, Hashim Thaçi, ka krahasuar kryeministrin në detyrë, Albin Kurti me Presidentin e Venezuelës, Nicolas Maduro.Përmes një postimi në llogarinë e tij në Twitter, Behrami ka thënë se në shekullin 21 vetëm udhëheqësit si Kurti dhe Maduro akuzojnë Shtetet e Bashkuara të Amerikës (ShBA).
“Në shekullin XXI, është gjë e rrallë të dëgjosh udhëheqësit e shtetit që akuzojnë SHBA për një grusht shteti kundër qeverisë së tyre. Por Kurti i Kosovës dhe Maduro e Venezuelës e bënë atë. 2 majtistë me pikëpamje anti-amerikane me rrënjë të thella dhe tendenca antidemokratike. Të paktën disi për të marrë një vend në histori”, ka shkruar Behrami.
Ky reagim i tij vjen pas raportimit të medieve të huaj lidhur me qëndrimin e kryeministrit Kurti karshi ShBA-së.
In the 21st century, it’s rare thing to hear state leaders accusing US of a coup d’etat against their Gov’s.But Kurti of Kosovo & Maduro of Venezuela did it. 2 leftists w/deep-rooted anti-American views & anti-democratic tendencies. At least somehow to get a place in history pic.twitter.com/8kOeRX5qbk
— Artan Behrami (@artanbehrami) April 21, 2020
