Presidenti i Shteteve e Bashkuara të Amerikës, Joe Biden tha të martën se SHBA e mbështet plotësisht Izraelin pas sulmeve me raketa balistike të Iranit, duke e përshkruar sulmin e Teheranit si “të mposhtur dhe joefektiv”.

Presidenti amerikan tha se tani do të diskutojë me kryeministrin izraelit Benjamin Netanyahu se si t’i përgjigjet Iranit, por se mbetet për t’u parë se çfarë forme do të marrë kjo përgjigje, ka raportuar The Guardian.

“…kjo është një dëshmi e aftësisë ushtarake izraelite dhe ushtrisë amerikane. Mos bëni gabim, Shtetet e Bashkuara e mbështesin plotësisht, plotësisht dhe plotësisht Izraelin”, u tha Biden gazetarëve në Shtëpinë e Bardhë.

I pyetur nga gazetarët se cila do të ishte përgjigja ndaj Iranit, Biden u përgjigj:

“Kjo është në diskutim aktiv tani. Kjo mbetet për t’u parë.”

Biden tregoi se do të fliste me Netanyahun në vazhdën e zhvillimeve të së martës.