Ish-diplomati, Blerim Canaj në lidhje me deklaratat e kryeministrit të Kosovës, Albin Kurti, se kërcënimet ndaj sigurisë së Kosovës janë në rritje ka thënë se deklarata të tilla i konvenojnë Serbisë, pasi sipas tij presidentit, Aleksandër Vuçiqit i konvenon që ta proklamojë sigurinë në Kosovë si “jostabile”.

Në emisionin “FIVE”, Canaj ka thënë se nëse Kurti mendon që në këtë mënyrë pozicionohet më mirë në tavolinën dialoguse me Serbinë, sipas tij nuk do t’i kryejë punë.

“Në Kosovë për sigurinë përgjegjës është KFOR-i, mund të them lirshëm maja e KFOR-it në Kosovë është KFOR-i amerikan, informatat të cilat duhet ti kenë bashkësia ndërkombëtare për sigurinë në vend, i kanë sepsei mbulojnë mjaft mmirë. Nëse Kurti mendon që në këtë mënyrë pozicionohet më mirë në tavolinën dialoguse me Serbinë, nuk do ti kryejë mirë punë. Vuciqit i konvenon që ta proklamojë sigurinë në Kosovë si jo stabile e fragjile”, ka deklaruar Canaj.

Ndryshe, kryeministri i Kosovës, Albin Kurti ka thënë se kërcënimet ndaj sigurisë së Kosovës janë në rritje, ashtu siç “është në rritje edhe demokracia e saj”.

“Megjithatë, edhe pse demokracia e Kosovës është në rritje, kërcënimet ndaj sigurisë së saj janë gjithashtu në rritje. Në muajin shtator, trupat paraushtarake serbe, të armatosura rëndë, të cilat ne besojmë se vinin nga Serbia, zunë pozicione në Manastirin Ortodoks të Banjskës, në atë që Qeveria e SHBA-së e quajti përpjekje shumë të organizuar që përfshinte armë të sofistikuara. Forcat ushtarake serbe u mobilizuan pranë kufirit tonë, një veprim i cilësuar nga Shtetet e Bashkuara si ‘destabilizues’”, ka shkruar Kurti.

Ai ka përmendur edhe rritjen e prezencës së trupave të NATO-s në Kosovë vitin e kaluar, nga 3770 në 4500.