Nënkryetarja e PDK-së, Mimoza Ahmetaj, ish-ambasadore e Kosovës, në Bruksel, për FrontOnline thotë se i kanë parë në vazhdimësi shqetësimet e SHBA-ve ndaj Qeverisë Kurti.

‘’Ne në vazhdimësi shohim shqetësime lidhur me vendimet që Kurti i merr vet. Në një moment vendimet i lëvdon dhe në një moment tjetër i demanton dhe i shpallë anti-kushtetuese dhe që nuk përkojnë me Kosovën dhe ambiciet e saj’’ thekson ajo.

Ahmetaj, thotë se si pasojë e veprimeve të Qeverisë Kurti, kanë ardhur edhe sanksionet dhe masat e BE-së ndaj Kosovës, duke u përjashtuar nga fondet e BE-së.

‘’Qëndrimet e ambasadorit amerikan të shprehura në vazhdimësi  dhe jo vetëm mbrëmë, për veprimet e Kurtit i kemi parë në vazhdimësi dhe si pasojë e veprimeve të tilla (të Qeverisë) sot Kosova është në sanksione të BE-së dhe ditë më parë nga fondi prej 6 miliardë euro që ishte ndarë për shtetet e Ballkanit Perëndimor, prap Kosova u përjashtua, për faktin se është nën sanksionet e saj’’ deklaron ajo.

Ish-ambasadorja, potencon se kjo tregon e tregon edhe qëndrimin e ambasadorit amerikan ndaj Qeverisë.

‘’Kjo e tregon dhe e konfirmon qëndrimin e ambasadorit amerikan dhe realitetin në të cilin Kosova është duke jetuar pikërisht në diçka që bie si pasoj e veprimeve të zotërit Kurti’’ deklaron ajo.

Nënkryetarja e PDK-së, shprehet se kryeministri Kurti është duke u munduar të fitojë kohë dhe ta prolagnoj vendimin të cilin e ka marrë vet, sa i përket statutit të Asociacionit.

”Zoti Kurti duke besuar se BE është në zgjedhje dhe duke e nuhatë edhe përiudhën para zgjedhore në Kosovë, është duke u munduar të fitojë kohë dhe ta prolagnoj vendimin, pikërisht për çështjen e statutit të Asociacionit që të mos e procedoj më tutje, në mënryë që të ikë  nga vendimet dhe përgjegjësive që vet i ka marrë” thekson ajo.

Ahmetaj, thotë se ka plan për sekuencimin që është një udhërrëfyes për implementimin e marrëveshjeve të arritura në Bruskel dhe për këtë Kosova dhe Serbia kanë kohë deri me 18 korrik që në formë të shkruar të i dërgojnë komentet e tyre.

”Po ashtu dy ditë më herët në takimin që u mbajtë në Bruskel është bërë plani i sekuencimit, një udhërrëfyes për implementimin e marrëveshjeve të arritura në Bruskel dhe pala kosovar sikurse ajo serbe, do të detyrohen që deri me 18 korrik në formë të shkruar të i dërgojnë komentet e tyre, pra pikërisht ky është ai realiteti në të cilin ne jemi dhe unë nuk pres diçka tjetër përveç ikjes së tij nga përgjegjësit që i ka marrë” shprehet Ahmetaj.

/FrontOnline/

Deklaratat e ambasadorit Hovenier shihen shqetësuese në Kosovë