Policia e Kosovës, respektivisht DHTN- Ferizaj ka pranuar informacione për një person të dyshuar se i njëjti në një fshat të Kaqanikut dyshohet se merret me kultivimin e bimëve narkotike, njofton Policia e Kosovës.
Pas aksionit, policia thotë se ka rezultuar me arrestimin e një personi të dyshuar mashkull kosovar.
“Me datë 03.07.2024 lidhur me rastin e lartcekur, njësitë kompetente policore kanë zhvilluar një plan taktik gjatë të cilit edhe është realizuar aksioni policor në fshatin Soponicë – Kaçanik, respektivisht në dy shtëpi të personit të dyshuar mashkull kosovar”, njofton PK-ja.
Te i njëjti, gjatë kontrollit janë gjetur provat materiale si në vijim:
-katër bimë të llojit kanabis sativa të gjatësisë rreth 20 cm.
–substancë e dyshuar narkotike e llojit marihuanë e vendosur në kavanoz xhami me peshë neto 10.6 gram,
-80 copë qese najloni të zbrazëta,
-një pako me rizlla (letër për mbështjellje të marihuanës),
-një qese najloni me substancë të dyshuar narkotike të llojit marihuanë me peshë 17.2 gram,
-një thes najloni me substancë të dyshuar narkotike e llojit marihuanë me peshë neto 486 gram,
– substancë e dyshuar narkotike e llojit marihuanë e vendosur në kavanoz xhami me peshë neto 89.4 gram
– një qese najloni me substancë të dyshuar narkotike të llojit marihuanë me peshë 10.2 gram,
-substancë e dyshuar narkotike e llojit marihuanë me peshë 10.75 gram ( e vendosur ne shishe plastike,
-një thikë.
“Lidhur me rastin pas përfundimit të kontrollit është kontaktuar prokurori kompetent i cili është njoftuar lidhur me veprimet e ndërmarra policore në teren, ku me autorizim të të cilit i dyshuari pas intervistimit ndalohet për 48 orë”, njofton PK-ja.
