Mbrëmë Barcelona ka arritur të shpallet kampion të La Liga-s, pas një rikthimi  ku që nga viti 2019 nuk kishte arritur ta fitonte.

Në konferencë për media, presidenti i Barcelonës, Joan Laporta ishte pyetur nga gazetarët për rikthimin e Lionel Messit tek skuadra katalunase.

Laporta iu dha të gjithëve shpresa për një rikthim të mundshëm, shkruan FrontOnline.

“Leo është ende në Paris, po kalon situata jo të këndshme. Nuk do të doja ta shqetësoja tani. Ne do të përpiqemi të përmirësojmë ekipin në të gjitha linjat. Kam folur me Messin, ne e kemi rikuperuar marrëdhënien”.

“Messi e do Barçën, ai ndjen se ky klub është shtëpia e tij. Arabia? Barça është Barça. Në Arabi ata po bëjnë një punë të mirë, po investojnë, por unë insistoj, Barça është shtëpia e tij”, tha Laporta.

Lionel Messi ka pasur telashe kohëve të fundit me skuadrën franceze, ku ishte suspenduar për 2 javë, ndërsa më pas është hequr suspendimi pas një kërkim falje me anë të një video nga shtatë herë fituesi i Topit të Artë. /FrontOnline/