Sot shënohet 22 vjetori i rënies së komandantit të Ushtrisë Çlirimtare të Kosovës (UÇK), Xhemajl Rexhaj, i lindur në Papaz të Suharekës më 10 qershor 1961.

Ai ishte i biri i Rasim Rexhaj, i mbijetuar i masakrës së Tivarit si dhe i nënë Havës.

Mësimet fillore i mori në fshatin Llanishtë, ndërsa në vitin 1979 u regjistrua në gjimnazin “Jeta e re” në Suharekë.

Komandanti Rexhaj ishte ndër organizatorët e parë të demonstratave për çështje kombëtare, si në Prishtinë, Prizren, Suharekë e vende të tjera.

Në shkurt të vitit 1983 nxirret nga ora e mësimit dhe dërgohet në zyrën e drejtorit të dhunshëm, ku i vihen prangat nga organet e sigurimit të atëhershëm.

Pastaj ai ishte dërguar në qeli në burgun e Prizrenit. Në ditën e gjykimit, trupit gjykues para të pranishmeve në fjalën e fundit ai iu drejtua me këto fjalë: “Derisa Kosovës nuk i ipet statusi i Republikës, ne nuk do të ndalemi së vepruari “.

Xhemajli u dënua nga gjyqi serbo-sllav me dy vite e gjysmë burgim të rëndë, së bashku me pesë anëtarët e tjerë të grupit. Kohën më të gjatë e kaloi në qeli (vetmi). Kaloi nëpër shumë burgje si në Prizren, Pejë si dhe në burgun famëkeq të Beogradit.

Pas përfundimit të dënimit në Gusht të vitit 1985, ai vazhdoi veprimtarin në radhët e Lëvizjes Popullore të Kosovës, që vepronte ilegalisht në Kosovë për arritjen e qëllimeve Kombëtare. Ishte gjithmonë në aktivitet pa u ndalur as ditën as natën dhe mbante kontakte me shokët e ilegales (LPK) në Kosovë dhe atë në diasporë.

Xhemajli, ishte anëtar i Lëvizjes popullore të Kosovës që nga vitet e 80-ta si përgjegjës dhe koordinator në fshatrat Budakovë, Krushic e Ulët, Krushicë e Epërme, Muhlan, Stravuqin, Vërshec, Papaz dhe në Grejqevcë.

Me datën 26 Qershor 1998, në shtëpinë e Sadri Kokollarit babait të dëshmorit Kadri Kokollarit, u takua me njerëzit që kishte dërguar Shtabi i Përgjithshëm i UÇK-së Sadik Halitjahen, Idriz Hysenin dhe shokët tjerë ku u vendos që të formohej Njësiti i UÇK-së për të vepruar në territorin e lartcekur.

Me datën 06 korrik 1998 ishte caktuar Komandant i Kompanisë së parë si dhe Komandant i Togut i cili ishte vendosur në fshatin Llanisht. Kjo pikë ishte urë lidhëse mes njësive të Batalionit të dytë të Budakovës.

Më 23 Gushtë 1998 në mëngjes fillojnë luftimet në Greiqevc, komandant Xhema kishte mobilizuar të gjitha forcat që posedonte dhe së bashku me bashkëluftëtarët e tij u nis për në istikame. Në afërsi të fshatit Llanisht, pran shkollës predha e minahedhësit ra në mesin e luftëtarëve të cilët së bashku me Xhemajlin u plagosën dhe gjashtë luftëtarë si: Hyzri Veliu, Brahim Bunjaku, Isë Zeqiraj, Faik Muhadin, Sabit Halili dhe Islam Ahmeti.

Xhemajli ishte plagosur rënd, u transferuar në Spitalin Ushtarak në fshatin Breshac dhe në pamundësi që të shërohet, kalon në përjetësi dhe pushon në altarin e lirisë nga data 26 Gushtë 1998.

Për sakrificën dhe kontributin e dhënë për lirin dhe pavarësinë e Kosovës, Xhemaj Rexhaj, me 7 mars të vitit 2017 u dekorua me urdhrin “Hero i Kosovës”, nga Presidenti i vendit Hashim Thaçi. /kp/