Presidentja e Kosovës, Vjosa Osmani, ka komentuar deklaratat e Aleksandër Vuçiq, i cili tha se Kosova po përgatit një “Stuhi” ndaj serbëve në Kosovë pas vendimit të fundit për reciprocitet për targa dhe letërnjoftime.
Osmani ka thënë se diskursi i presidentit serb nuk sjell asgjë të re dhe ka shtuar se duhet të kemi kujdes që propaganda serbe të mos depërtojë në shoqërinë tonë.
“Gjuha luftënxitëse e Vucicit nuk duhet të jetë asgjë e re për ne. Nuk duhet të lejojmë që propaganda serbe të depërtojë në shoqërinë tonë. Jemi me miqtë ndërkombëtar. Duhet të bëhet e ditur edhe për ndërkombëtarët se pala kosovare është munduar të bëjë gjithçka e nuk ka lënë gurë pa lëvizur që të ketë lëvizje të lirë. Vetë BE e ka pranuar se Kosova mund të ndërmarrë hapa sa i përket çështjes së reciprocitetit. Ne mbrojmë sovranitetin tonë dhe interesat e shtetit tonë duke ofruar zgjidhje që sjellin paqe në rajonin tonë. Nuk ka ardhur asgjë befas”, ka thënë ajo në KTV.
