×
  • Lajme
  • Lajme

    ​Universiteti i Gjilanit ka hapur konkurs për studime master

    FrontOnline
    21 Shtator 2020

    Universiteti “Kadri Zeka” në Gjilan, ka hapur konkurs për studimet pasdiplomike – MASTER, për vitin akademik 2020/2021, ku do të regjistrojë 100 studentë të rregullt, për programet E-Qeverisja, program ky i përbashkët mes Fakultetit të Shkencave Kompjuterike, Fakultetit Juridik dhe Fakultetit Ekonomik të Universitetit “Kadri Zeka” dhe programin Qeverisja Lokale dhe Shoqëria Demokratike, program i përbashkët me Universitetin “Kadri Zeka” në Gjilan, Universitetin “Ukshin Hoti” në Prizren dhe Universitetin “Haxhi Zeka” në Pejë.

    Universiteti sipas njoftimit do të regjistrojë deri në 12% , studentë të rregullt nga komunitetet jo shumicë.

    “Në studimet postdiplomike- master, mund të pranohen edhe kandidatët nga Lugina e Preshevës, Shqipëria dhe Maqedonia, ku numri i tyre do të jetë 2% studentë të rregullt, ndërsa nga Mali i Zi do të jetë 1% e kandidatëve, për secilin departament apo program të fakulteteve veç e veç. Të drejtë pranimi në Universitetin “Kadri Zeka” kanë të gjithë kandidatët kosovarë, të cilët e kanë përfunduar me sukses studimet themelore në Kosovë apo jashtë Kosovës dhe e kanë diplomën për shkollimin e kryer. Kandidatët të cilët kanë diploma jashtë Kosovës duhet ta bëjnë nostrifikimin e tyre në MASHT. Paraqitja e dokumenteve zgjatë prej datës 21.09.2020 deri më 30.09.2020 nga ora 9.00 deri në orën 16.00. (dokumentet do të pranohen çdo ditë me përjashtim të dielave). Provimi pranues do të mbahet të shtunën më datë 03.10.2020. Detajet lidhur me kohën e mbajtjes së provimit pranues do të shpallen në ueb faqen e universitetit të premten më datë 02.10.2020. Shpallja e rezultateve preliminare të provimit pranues do të bëhet, më së voni, deri më të martën më 06.10.2020 në Fakultetin Juridik dhe në ueb-faqen e universitetit. Kandidatët të cilët nuk janë pranuar mund t’i paraqesin ankesë shërbimit përkatës më së largu 48 orë pas publikimit të rezultateve preliminare. Pas këtij afati, ankesat nuk do të pranohen. Shqyrtimi i ankesave bëhet nga Komisioni për shqyrtimin e ankesave nga fakulteti përkatëse më datë 08.10.2020 duke filluar nga ora 10.00. Rezultatet përfundimtare pas ankesave do të publikohen më 09.10.2020. Regjistrimi i studentëve të pranuar do të do të bëhet më 16.10.2020 në zyrën e TI-së”, thuhet në komunikatë.

    Jashtë këtij afati kandidatët e pranuar nuk do të mund të regjistrohen, prandaj luteni që t’i përmbaheni afatit të lartshënuar.

    Nga Rubrika
    Lajme24 Maj 2025
    Vlora Çitaku, nga Partia Demokratike e Kosovës, në ditën e Presidentit ka publikuar një foto të ish-presidentit  Hashim Thaçi, duke thënë se...
    Lajme24 Maj 2025
    Deputetët e zgjedhur do të mblidhen sërish nesër në përpjekjen e 21-të me radhë për ta konstituuar Kuvendin e Kosovës. Kjo seancë...
    Lajme24 Maj 2025
    Lidhja Demokratike e Kosovës, përmes një postimi në faqen e saj në Facebook, ka deklaruar se 24 maji i vitit 1992, datë...
    Të tjera
    Lajme24 Maj 2025
    Katër persona janë arrestuar nga policia në Pejë. Të njëjtit dyshohen për veprën penale të grabitje. Lidhur me aksionin detaje ka dhënë...
    Bota/Rajoni24 Maj 2025
    Policia greke ka përfunduar para pak një operacion në shkallë të gjerë të quajtur “Kerveros”, gjatë të cilit u arrestuan 23 persona...
    Lajme24 Maj 2025
    Ushtarë bullgarë nga Batalioni i Forcave Rezervë Operacionale Shumëkombëshe të KFOR-it dhe trajnerë hungarezë nga Batalioni Rezervë Taktike të këtij misioni zhvilluan...
    Kronika24 Maj 2025
    Është iniciuar procedurë penale për falsifikim dokumentesh ndaj një personi në Gjakovë. I dyshuari është ndalur nga Njësia Rajonale e Komunikacionit Rrugor...
    Lajme24 Maj 2025
    Deputeti i PDK-së, Artan Behrami, ka vazhduar kritikat ndaj Gjykatës Speciale. Ai ka vlerësuar se Gjykata Speciale duhet të shndërrohet në muze...
    Bota/Rajoni24 Maj 2025
    Shifrat tregojnë se shumica e aksidenteve me e-skuter janë shpesh për shkak se vozitësi po tregohet budalla – ose i dehur. Dhe...
    -->

    FrontOnline, © 2025 Të gjitha të drejtat e rezervuara.