×
  • Lajme
  • Lajme

    ​Rahoveci shënon epopenë e UÇK-së, nderohen dëshmorët dhe martirët

    FrontOnline
    17 Korrik 2020

    Në 22 vjetorin e Epopesë së UÇK-së, Komuna e Rahovecit e shoqëruar nga Organizata e Veteranëve të Luftës së Ushtrisë̈ Çlirimtare të Kosovë, vendosën pllaka në shtëpitë̈ bazë të UÇK-së në fshatin Drenoc, Dejnë dhe Ratkoc të kësaj komune.

    Me këtë rast, u vlerësua lart sakrifica e të rënëve për liri e pavarësi, ku u theksuar se luftëtarët e kësaj ane me kontributin e tyre i dhanë kthesë historisë së vendit.

    Kryetari i komunës së Rahovecit, Smajl Latifi, ka thënë se me vendosjen e pllakave përkujtimore institucionalizohen vlerat e UÇK-së.

    Ai ka theksuar se, çdo tentim njollosje ndaj UÇK-së nuk do të zë vend në asnjë gjeneratë.

    “Pandemia nuk na pengon që ne në 22 vjetorin e epopesë së UÇK-së të luftimeve të cilat kanë ndodh në Rahovec me rrethinë, jo vetëm që t’i përkujtojmë ato ngjarje, por të kujtojmë jetën dhe veprën e dëshmorëve që kanë rënë me 17 korrik, heronj, martirët. Njëkohësisht ne vazhdojmë institucionalizimin e vlerave të UÇK-së, me vendosjen e pllakave të cilat simbolizojnë vendosjen e bazave të UÇK-së dhe kontributet e veçanta që UÇK ka bërë në vitin 1998….UÇK- ja është e pa ndashme nga populli i Kosovës në rrugëtimin e vet dhe çdo tendencë për t’i njollosur vlerat e UÇK-së nuk do të zë vend në këta breza e as në ata që vinë”, ka thënë ai.

    Ndërsa, ish-luftëtari i UÇK-së, Isuf Gashi, ka thënë se luftimet e korrikut të cilat u zhvilluan në Rahovec, treguan vendosmërinë e popullit shqiptar për liri dhe pavarësi.

    “Ky vend këtu ka një kuptim të madh me 3 qershor e kemi themelua batalionin e parë dhe këtu ka qenë strukturë komanduese e shtabit regjional dhe në atë periudhë i kemi themeluar 4 kompani….Prej këtu janë dhënë urdhra, ka veprua UÇK-ja, ka pasur komandë, është ngrit flamuri është bërë rreshtimi….Lufta e korrikut e ka dridh Beogradin, Uashingtonin, Parisin krejt se e kanë pa që këta njerëz e kanë perime”, ka thënë ai.

    Komuna e Rahovecit sot ka filluar shënimin e Epopesë së korrikut të vitit 1998.

    Nga Rubrika
    Lajme16 Mars 2025
    Haxhi Thaçi, babai i ish-presidentit Hashim Thaçit, ka vdekur të dielën e 16 marsit. I biri i tij këtë javë erdhi në...
    Lajme16 Mars 2025
    Deputetët e Partisë Demokratike të Kosovës janë shprehur të pikëlluar për vdekjen e babait të ish-presidentit, Hashim Thaçi. Enver Hoxhaj është shprehur...
    Lajme16 Mars 2025
    Kryetari i Skenderajt, Fadil Nura, ka reaguar pas vdekjes së Haxhi Thaçit, babait të Presidentit Hashim Thaçit. Ai, përmes një postimi në...
    Të tjera
    Bota/Rajoni16 Mars 2025
    Alsati ka raportuar se në stacionin policor në Karposh në Shkup, në pyetje po merret ish-ministri i Ekonomisë, Kreshnik Bekteshi. Kjo sa...
    Bota/Rajoni16 Mars 2025
    Në orët e hershme të mëngjesit të 16 marsit, pas një zjarri të madh në një diskotekë në Koçan mbetën të vdekur...
    Lajme16 Mars 2025
    Një vilë është përfshirë nga zjarri pasditen e sotme në Brezovicë. Lidhur me rastin detaje ka dhënë Policia e Kosovës. Zëdhënësi për...
    Bota/Rajoni16 Mars 2025
    Pas tragjedisë në Koçan, zëvendëskryeministri i Maqedonisë së Veriut, Izet Mexhiti ka bërë të ditur se sonte në sheshin “Skënderbeu” në Shkup...
    Bota/Rajoni16 Mars 2025
    Arrestohet ish-sekretarja shtetërore e ministrisë së Ekonomisë, Razmina Çekiç. Ish-sekretarja shtetërore e ministrisë së Ekonomisë, është njëra ndër të ndaluar në lidhje...
    Sport16 Mars 2025
    Stacionimi i forcave paqeruajtëse në Ukrainë, siç është propozuar nga Britania dhe Franca, në rast të arritjes së ndonjë armëpushimi me Rusinë,...
    -->

    FrontOnline, © 2025 Të gjitha të drejtat e rezervuara.