-->
×
  • Lajme
  • Lajme

    ​Nesër mblidhet Kryesia e Kuvendit të Kosovës

    FrontOnline
    13 Shtator 2020

    Kryesia e Kuvendit të Kosovës, pas pushimit disa javor, do t’i kthehet të hënën punës në kuadër të sesionit vjeshtor.

    Në rendin e ditës të mbledhjes, e cila fillon në ora 14.00, do të jenë pikat e papërfunduara nga seancat plenare të 13, 14, 23 korrikut dhe 7 gushtit – votimi i propozim-rezolutës lidhur me menaxhimin e pandemisë COVID-19 të propozuar nga GP i LVV-së, si dhe votimi i rekomandimeve lidhur me menaxhimin e pandemisë COVID-19, të propozuar nga GP i PDK-së.

    Në rend dite është edhe pika e papërfunduar nga seanca plenare e 23, 24 korrikut dhe 7 gushtit – votimi i propozim-rezolutës nga debati parlamentar për situatën financiare të Telekomit të Kosovës, pas lejimit të përmbarimit të vendimit përfundimtar OEN të Gjykatës Ndërkombëtare të Arbitrazhit pranë Dhomës së Tregtisë dhe Industrisë në Paris, të propozuar nga GP i LVV-së.

    Po ashtu, në rend dite janë pikat e papërfunduara nga seanca plenare e 7, 13 dhe 14 gushtit – votimi në parim i Projektligjit për Mbrojtjen e Vlerave të Luftës së UÇK-së, si dhe pika e papërfunduar nga seanca e 14 gushtit – votimi në parim i Projektligjit për rimëkëmbjen ekonomike – COVID-19.
    Pika e gjashtë ka të bëjë me përgatitjet për seancën e re plenare:

    -deklarimet jashtë rendit të ditës, pyetjet parlamentare

    -interpelanca e ministrit të Arsimit dhe Shkencës, Ramë Likaj, sipas kërkesës së nënkryetares së Kuvendit, Arberie Nagavci, e nënshkruar edhe nga 7 deputetë tjerë nga Grupi Parlamentar i Lëvizjes Vetëvendosje, në lidhje me përgatitjet për fillimin e vitit shkollor në kushte të pandemisë COVID-19 në Kosovë

    -interpelanca e ministrit të Punëve të Brendshme dhe Administratë Publike, Agim Veliu, sipas kërkesës së deputetes Fatmire Mullhaxha-Kollçaku, e nënshkruar edhe nga 9 deputetë tjerë nga Grupi Parlamentar i Lëvizjes Vetëvendosje, në lidhje me hyrjen dhe patrullimin e pjesëtarëve të uniformuar të Serbisë në territorin e Kosovës, në Karaçevë të Kamenicës

    -shqyrtimi i parë i Projektligjit për masat e përkohshme për ta lehtësuar efektin e pandemisë COVID-19

    -shqyrtimi i parë i Projektligjit për plotësimin dhe ndryshimin e Ligjit për menaxhimin e financave publike dhe përgjegjësitë, i plotësuar dhe i ndryshuar me Ligjin nr. 03/L-221, Ligjin nr. 04/L-116, Ligjin 04/L-194, Ligjin 05/L-063, dhe Ligjin 05/L-007

    -shqyrtimi i rekomandimeve të Komisionit për Mbikëqyrjen e Financave Publike në lidhje me Raportin e Auditimit të pasqyrave vjetore financiare të MKRS-së për 2019

    -zgjedhja e dy anëtarëve jo ekzekutivë të Bordit të BQK-së, zgjedhja e gjashtë anëtarëve të Këshillit të Kosovës për Trashëgimi Kulturore

    -propozimi i GP të PDK-së për zëvendësimin e anëtarëve në Komisionin hetimor parlamentar në lidhje me menaxhimin e pandemisë nga ana e Qeverisë së Kosovës.

    Nga Rubrika
    Lajme29 Maj 2025
    Kryetari i Aleancës për Ardhmërinë e Kosovës,  Ramush Haradinaj, ka reaguar shkurtimisht ndaj deklaratave të Fatmir Limajt, kryetarit të Nismës Socialdemokrate, i...
    Lajme29 Maj 2025
    Kryetari i Aleancës për Ardhmërinë e Kosovës (AAK), Ramush Haradinaj, ka bërë një deklaratë të ashpër ndaj Lëvizjes Vetëvendosje, të udhëhequr nga...
    Lajme29 Maj 2025
    Kryetari i degës së LDK-së në Gjilan, Lutfi Haziri, ka thënë se vendimi që Arbër Ismajli të jetë kandidat i kësaj partie...
    Të tjera
    Kronika29 Maj 2025
    Dyshohet se një vajzë ka rënë nga lartësia e një ndërtese në Fushë Kosovës. Vajza është dërguar në Emergjencën e Qendrës Klinike...
    Lajme29 Maj 2025
    Lideri i LDK’së, Lumir Abdixhiku ka kritikuar Qeverinë në detyrë e cila po vazhdon të qëndrojë në objektet qeverisëse. Ai ka thënë...
    Lajme29 Maj 2025
    Një rast i rëndë i kanosjes ndaj një zyrtare të lartë të shtetit ka çuar në identifikimin dhe arrestimin e një personi...
    Lajme29 Maj 2025
    Zëvendëskryeministri në detyrë i Qeverisë së Kosovës, Besnik Bislimi, ka ndërhyrë në punën e Autoritetit të Konkurrencës së Kosovës. Bislimi të enjten...
    Bota/Rajoni29 Maj 2025
    Presidentja e Komisionit Evropian, Ursula von der Leyen, u nderua sot me Çmimin Ndërkombëtar “Karli i Madh” gjatë një ceremonie në Aachen...
    Bota/Rajoni29 Maj 2025
    Izraeli e ka pranuar propozimin për armëpushim të përkohshëm me Hamasin, ka njoftuar zëdhënësja e Shtëpisë së Bardhë, Karoline Leavitt. “Mund ta...
    -->

    FrontOnline, © 2025 Të gjitha të drejtat e rezervuara.