×
  • Lajme
  • Lajme

    ​Thaçi: Takimi i së enjtes në Bruksel është i rrezikshëm

    FrontOnline
    15 Shtator 2020

    Kreu i shtetit e konsideron të rrezikshëm për Kosovën takimin e së enjtes në Bruksel. Ky takim sipas Hashim Thaçit është agjendë e Serbisë.

    Çështja e formimit të asociacionit ai tha se ka përfunduar me opinionin e vitit 2013 të Gjykatës Kushtetuese, dhe rihapja e kësaj teme në Bruksel, siç deklaroi ai, është goditje dhe cenim i sovranitetit të vendit.

    Sa i përket marrëveshjes së arritur me Serbinë në Uashington, presidenti Hashim Thaçi pas shënimit të Vitit të Ri Hebraik, para gazetarëve tha se njohja e shtetit të Kosovës duhet të ndodhë në Uashington, dhe nën lidershipin e Shteteve të Bashkuara të Amerikës.

    Thaçi: Njohja Kosovë-Serbi mund të ndodhë vetëm në Shtëpinë e Bardhë

    “Unë ndihem i lumtur dhe i kënaqur që kjo marrëveshje më në fund u formalizua dhe dëshiroj të falënderoj edhe ambasadorin Grenell dhe këshilltarin për siguri kombëtare O’Brien, por edhe pjesëmarrjen personale të presidentit Trump. Prandaj unë besoj se nëse normaliteti ekonomik është arritur në Uashington edhe njohja reciproke mes shtetit të Kosovës dhe Serbisë mund të ndodhë vetëm në Shtëpinë e Bardhë në Uashington dhe nën lidershipin e SHBA-së”, ka thënë ai.

    Thaçi tha se çdo agjendë, qoftë për asociacion, prona apo çështje tjera, janë diskutuar disa herë dhe se të njëjtat, sipas tij, janë kthim për Kosovën.

    Thaçi: Rihapja e çështjes së asociacionit, është goditje për shtetësinë e Kosovës

    “Është agjendë e Serbisë që procesin e çon drejt një degjenerimi të plotë dhe tendence të dobësimit të shtetit të Kosovës. Asociacioni është diskutuar dhe duhet të jetë në përputhshmëri me marrëveshjen e vitit 2013 dhe gjithë mandatin por edhe të drejtën dhe opinionit që i ka dhënë Gjykata Kushtetuese dhe rihapja e çështjes së asociacionit pas një dekade në Bruksel, është rikthim prapa për Kosovën, është goditje për shtetësinë e Kosovës dhe cenim i sovranitet. E me rrezik për krijimin dhe Republikës Serbe në Kosovë. Parlamenti i Kosovës duhet të jetë shumë i vëmendshëm dhe këtë të drejtë nuk e ka askush, as të negociojë e lëre më të arrijë ndonjë marrëveshje të re për asociacionin… Takimi i së enjtes është i rrezikshëm për shtetin e Kosovës dhe është agjendë e Serbisë”, ka deklaruar Thaçi.

    Në adresimin me një letër përshëndetëse të kryeministrit Benyamin Netanyahu me rastin e Vitit të Ri Hebarik, nuk është përmendur njohja e Kosovës. Për këtë Thaçi tha se është çështje procedurale.

    Thaçi: Secili shtet ka procedurat e veta për njohje

    “Natyrisht se tani janë modalitete te ndryshme të njohjes, secili shtet i ka specifikat e veta, për çështje procedurale që do të implementohet në të ardhmen e afërt në kuptimin edhe të zyrtarizimit me letra”, u shpreh ai.

    Kreu i shtetit tonë tha se njohja reciproke mes Kosovës dhe Izraelit është e rëndësisë strategjike për të dyja vendet.

    Thaçi: Njohja Kosovë-Izrael është e rëndësisë strategjike për të dyja vendet

    “Ne do të vazhdojmë të jemi partnerë strategjikë në të gjitha fushat e jetës, qoftë diplomatike, politike, ekonomike, sigurisë, mbrojtjes, inteligjencës. Të dyja vendet kanë një histori të kaluar të njëjtë. Jemi përballur me një histori shumë të hidhur, shumë të rëndë që e njeh dhe e respekton bota. Në të njëjtën kohë ky partneritet aktual është shumë i rëndësishëm si bazament i fuqishëm për të ardhmen, në veçanti për të ardhmen euroatlantike të Kosovës”, ka thënë Thaçi.

    Ndër tjera, Thaçi tha se e ardhmja e Kosovës është në NATO dhe në miqësi të përjetshme me Shtetet e Bashkuara të Amerikës dhe se çdo veprim devijues i marrëveshjes nga ana e Serbisë nuk i kontribuon stabilitetit në Ballkanin Perëndimor. /Sh.Pajaziti/

    KEDS e KESCO, përmes aktiviteteve të shumta, i bashkohen fushatës kundër Dhunës me Bazë Gjinore
    Nga Rubrika
    Lajme21 Prill 2024
    Nënkryetari i Skenderajt, Sami Lushtaku ka njoftuar vdekjen e bashkëluftëtarit Ali Hoti. Lushtaku ka është shprehur se ai ishte njëri prej luftëtarëve...
    Lajme21 Prill 2024
    Prindon Sadriu, bashkëshorti i presidentes së Kosovës, Vjosa Osmani ka bërë thirrje për përgatitje për përballjen e nesërme mes Osmanit dhe presidentit...
    Lajme21 Prill 2024
    Kryeministri i Kosovës, Albin Kurti, ka reaguar pasi dështoi iniciativa për shkarkimin e kryetarëve në katër komunat veriore. Pasi pjesëmarrje në votime...
    Të tjera
    Bota/Rajoni21 Prill 2024
    Pas Vrapçishtit dhe takimit me banorët e malësisë së Tetovës, Fronti Evropian, tubimin qëndror sonte e ka mbajtur në Shkup në Sheshin...
    Lajme21 Prill 2024
    Kryeministri i Kosovës, Albin Kurti, ka reaguar pasi dështoi iniciativa për shkarkimin e kryetarëve në katër komunat veriore. Pasi pjesëmarrje në votime...
    Vip21 Prill 2024
    Xhuli dhe Blero janë dy personazhe të njohura në vendin tonë. Të dy përjetuan një aventurë të njejtë, rrugëtimin në “Big Brother”....
    Vip21 Prill 2024
    Ledjona Xheladinaj, gazetarja që ishte një prej protagonisteve në këtë edicion të tretë të Big Brother VIP, ishte e ftuar pasditen e...
    Lajme21 Prill 2024
    Kryeministri i Kosovës, Albin Kurti, ka reaguar pasi dështoi iniciativa për shkarkimin e kryetarëve në katër komunat veriore. Pasi pjesëmarrje në votime...
    Bota/Rajoni21 Prill 2024
    Imami Ahmed Kalaja deklaroi sot se ka një familje të madhe. Kalaja tha se është baba i 10 fëmijëve. Imami tha se...

    FrontOnline, © 2024 Të gjitha të drejtat e rezervuara.