Forcat bjelloruse arrestuan më shumë se 250 protestues të dielën, ndërsa rrugët e Minskut u mbushën me dhjetëra mijëra njerëz që dolën për të protestuar kundër presidentit Alexander Lukashenko, njoftoi Ministria e Brendshme e Bjellorusisë.
Një dëshmitar okular ka thënë për Reuters tha se të paktën 100,000 protestues ishin në qendër të Minskut.
Një numër i madh i oficerëve të policisë dhe ushtarëve janë vendosur në qendër të Minskut, dhe shumë prej tyre po bllokojnë Sheshin e Pavarësisë dhe rrugët e hyrjes në të.
Skena të ngjashme u panë pranë Pallatit të Republikës, një ndërtesë kryesore e qeverisë.
Rrugët anësore janë gjithashtu plot me policë dhe ushtarë. Protestat po zhvillohen në Bjellorusi për pesë javë tani për rezultatet e diskutueshme të zgjedhjeve presidenciale, të cilat u fituan nga Lukashenko me më shumë se 80 për qind të votave.
Ai ka qeverisur vendin për një çerek shekulli dhe shpesh quhet diktatori i fundit evropian.
Grupi i të drejtave të njeriut Viasna deklaron se ka shumë gra mes të arrestuarve dhe se dhuna policore u raportua gjatë arrestimit.
Protestuesit vendosën gratë në ballë të turmës për të qenë fytyra e demonstratave me shpresën se autoritetet do të tregoheshin më pak brutal ndaj tyre.
