×
  • Lajme
  • Lajme

    ​Abrashi: Rehabilitimi i hekurudhave rrit mundësinë për investime

    FrontOnline
    11 Gusht 2020

    Ministri i Infrastrukturës, Arban Abrashi i shoqëruar nga kryeshefi ekzekutiv i Infrakosit, Xhevat Ramosaj ka inspektuar sot punimet e hekurudhës së Kosovës, në linjën 10.

    Ai me këtë rast ka thënë se pret që faza e parë e projektit për rehabilitimin e kësaj hekurudhe pritet të përfundojë në kohë rekorde dhe do të mundësojë në hekurudhat e Kosovës, dhe trenat do të lëvizin me shpejtë.

    Abrashi: Trenat do të lëvizin deri në 100 km në orë

    “Rehabilitimi i hekurudhës është nënshkruar që disa muaj si kontratë, por javëve të fundit të madh edhe të ministrisë, Infrakosit dhe gjithsesi edhe i njësisë, po shohim një shtim të punëve, një dinamikë më të madhe të punëve, dhe shpresojmë që përkundër pandemisë të arrijmë që kjo pjesë e hekurudhës, faza e parë të rehabilitohet në kohë rekorde. Gjithsesi që kjo do të merr kohë, por sidoqoftë jemi këtu që të përkrahim këtë ndërmarrje në mënyrë që të modernizojmë linjën hekurudhore, pikë së pari këtë pjesë, pastaj do të vazhdojmë edhe në fazën e dytë deri në Mitrovice, fazën e tretë deri në kufi me Serbinë. Mbi të gjitha, ky është një avancim i hekurudhave të Kosovës, që nënkupton që trenat tani do të lëvizin me shpejt. Shpejtësia të kalojë mbi 100 km në orë, edhe për mallra edhe për udhëtarë, që nënkupton aktivitet ekonomik më të shtuar për vendin, por edhe më shume investime për ne”, tha Abrashi.

    Ministri Abrashi ka paralajmëruar se ministria që ai drejton do të punojë edhe në projekte tjera, në mënyrë që Prishtina të shndërrohet në një qendër ndërlidhëse të rajonit, duke iu ofruar kështu më shumë mundësi zhvillimit të bizneseve dhe tërheqjen e investimeve.

    Abrashi: Synojmë që Prishtina të jetë qendër ndërlidhëse e regjionit

    “Ne do të punojmë edhe në projekte tjera, në planin tonë do të paraqesim edhe rehabilitimin e rrugëve nga Prishtina deri në Merdare dhe pastaj të lidhemi me rrugë me Nishin. Një qendër multimedialë, stacion i trenit, autobusëve në Prishtinë, sepse kur kompletohet ky rrjet i hekurudhave dhe autostradave, mund të synojmë që Prishtina të jetë një qendër ndërlidhëse e regjionit që t’i jep edhe më shumë mundësi bizneseve dhe investimeve”, tha ai.

    Ndërsa, kryeshefi ekzekutiv i Infrakosit, Xhevat Ramosaj, ka shprehur gatishmërinë që ky projekt të vazhdojë, dhe të përfundojë me kohë.

    Ramosaj: Kemi arritur ta shtyjmë kontraktorin të bëjë zgjerim të punëve.

    “Unë shpreha gatishmërinë tonë, që ne ta vazhdojmë këtë projekt dhe të përfundojë me kohë ashtu siç është paraparë, por, eventualisht për shkak të pandemisë edhe ndonjë vonesë e vogël mund të ndodhë, por sidoqoftë me insistimin dhe punën tonë të përkushtuar edhe të zotit ministër, kemi arritur që ta shtyjmë kontraktorin që të bëjë zgjerimin e punëve”, tha Ramosaj.

    Ramosaj shpreson se projekti do të jetë i suksesshëm si në fazën e parë, po ashtu edhe fazat tjera.

    Nga Rubrika
    Lajme23 Prill 2025
    Deputeti i Parlamentit Evropian, Tonio Picula, në një intervistë për median kroate “24sata” ka folur për politikën e Serbisë karshi Bashkimit Evropian,...
    Lajme23 Prill 2025
    Shoqata e Industrisë së Qumështit të Kosovës (SHIQK) ka reaguar me shqetësim dhe keqardhje të thellë ndaj një deklarate të sekretarit organizativ...
    Lajme23 Prill 2025
    Njohësi i politikave, Shenoll Muharremi ka bërë një reagim, referuar një sulmi tjetër siç thotë ajo nga partia e pushtetit në largim,...
    Të tjera
    Lajme23 Prill 2025
    Deputetja e Lidhjes Demokratike të Kosovës, Doarsa Kica-Xhelili, përmbysi argumentin e anëtarëve të Lëvizjes Vetëvendosje se nëse partitë nuk e votojnë emrin...
    Lajme23 Prill 2025
    Doarsa Kica-Xhelili, nënkryetare e Lidhjes Demokratike të Kosovës(LDK) në emisionin “Debat Plus” ka diskutuar lidhur me “bllokimin” e Kuvendit. Ajo ka thënë...
    Lajme23 Prill 2025
    Eksperti i zgjedhjeve nga Demokraci Plus, Albert Krasniqi ka reaguar në lidhje me dështimin e radhës të seancës për konstituimin e Kuvendit....
    Bota/Rajoni23 Prill 2025
    Në Qendrën Administrative të Qeverisë së Republikës Serbe në Sarajevën Lindore, ku aktualisht ndodhet presidenti i RS-së, Milorad Dodik, sot kanë arritur...
    Lajme23 Prill 2025
    Arianit Koci, në cilësinë e avokatit të familjes së rreshterit Muhamet Lika, ka bërë thirrje që të gjithë të përmbahen nga deklaratat...
    Lajme23 Prill 2025
    Ministrja në detyrë e Punëve të Jashtme, Donika Gërvalla, ka thënë se kreu i Kishës Ortodokse Serbe, Porfirije, vetëm disa ditë pasi...

    FrontOnline, © 2025 Të gjitha të drejtat e rezervuara.