×
  • Lajme
  • Ekonomi
  • Ekonomi

    Zvogëlimi i shtesave, pensionistët e Kosovës paralajmërojnë greva e protesta

    FrontOnline
    24 Prill 2021

    Kryetari i Lidhjes së Pensionistëve të Kosovës, Shaban Kajtazi, ka bërë kërkesë me shkrim për takim  me kryeministrin Albin Kurti dhe ministrin e Financave dhe Transferve, Hekuran Murati.

    Kajtazi, ka sqaruar se kanë kërkuar takim urgjent me të dy pas vendimit të Qeverisë për mosvazhdimin e dhënies së shtesave për këtë kategori.

    Madje, Kajtazi këtë vendim të Qeverisë e ka quajtur të papritur. Sipas tij, që më shumë se 20 vjet ata janë anashkaluar dhe nënçmuar nga institucionet.

    Sipas tij, nëse vazhdohet ky trend nuk u mbetet gjë tjetër vetëm të marrim masa për grevë dhe protesta.

    “Ky vendim ka qenë i papritur për faktin se në Kosovë janë 180 mijë pensionistë prej tyre janë 140 mijë pensionistë bazik që marrin pension social. Kështu që ky vendim ka ndikuar shumë në disponimin e tyre edhe ata mbesin të zhgënjyer me këtë vendim. Ndoshta qeveria ka menduar që për një kohë të gjatë me ngrit ne 10 euro. 10 euro nuk është kurrfarë vlere te pensionistët bazik për shkak se i kanë 90 euro shtohet edhe 10 euro ajo nuk është bazë për jetën e tyre”.

    “Pra vendimi ka qenë pak i papritur. Unë kam kërkuar kontakt sa më të shpejtë me kryeministrin dhe ministrinë e Financave dhe Transfereve që të na dhënë përgjigje dhe ne do t’i përgjigjemi se ky vendim është i papranueshëm, zhgënjyes dhe nuk ka bo zgjedhje të pensionistëve veçmas atyre bazik. Ne kemi dërguar edhe shkresë me shkrim, por presim që nuk do të injorohen pensionistët sepse për 22 vjet janë të anashkaluar dhe të nënçmuar”.

    “Tash pensionistët janë harruar dhe nuk bëjnë mirë kjo qeveri mi lanë pensionistët në këtë gjendje. Ne ju kemi ik protestave por kemi ardhur në një pozicion se ata nuk janë duke na kuptuar. Nëse vazhdohet ky trend ndaj kujdesit të pensionistëve nuk na mbetet gjë tjetër vetëm të marrim masa deri te protesta dhe greva”, shtoi Kajtazi, për EO.

    Ai tha se Pensionistët janë në gjendje të vështirë  materiale dhe psikike.

    “Pensionistët janë në gjendje të vështirë edhe materiale dhe psikike. Ata kanë sëmundje përdorin barna dhe nuk kanë mjete sa duhet për t’i blerë, sidomos tash në kushte të pandemisë sepse 90 euro nuk ju dalin kurgjo”, tha ai.

    Kajtazi theksoi se derisa nuk miraton Ligjin për sigurime pensionale invalidore, çështja e pensionistëve do të mbetet pezull dhe e pazgjidhur.

    “Derisa Qeveria nuk miraton Ligjin për sigurime pensionale invalidore çështja e pensioneve nuk është e zgjidhur dhe është i vetmi rast në Evropë që një shtet është pa ligjin për sigurime pensionale invalidore. Derisa ky ligj nuk miratohet çështja e pensioneve është pezull dhe nuk është e zgjidhur”.

    Kurse ministri i Financave, Hekuran Murati, ka thënë se vendimi i Qeverisë paraprake pas muajit prill nuk kishte planifikuar vazhdimin e dyfishimit të ndihmës sociale dhe shtesat prej 30 eurosh për pensionistët që marrin më pak se 100 euro.

    NimiTV ofron 30% zbritje për Black Friday
    Nga Rubrika
    Lajme30 Prill 2024
    Drejtori i Institutit KIPRED, Lulzim Peci, ka thënë se nëse draft statuti i Asociacionit nuk dërgohet në Gjykatën Kushtetuese para 16 majit,...
    Lajme30 Prill 2024
    Presidenti i Kinës, Xi Jinping do të nis një udhëtim në Evropë, ku do të vizitojë Francën, Serbinë dhe Hungarinë. Për vizitën...
    Lajme30 Prill 2024
    Sekretarja e Përgjithshme e Partisë Demokratike të Kosovës, Vlora Çitaku, është shprehur e bindur se kandidati i tyre Bedri Hamza do të...
    Të tjera
    Lajme30 Prill 2024
    Sekretarja e përgjithshme e PDK-së, Vlora Çitaku, deklaroi se kushdo që sot thotë që Kosova ka më shumë sovranitet në veri të...
    Bota/Rajoni30 Prill 2024
    Turizmi malor dhe investimet për rigjallërimin e tij vijojnë të mbeten një prioritet, tashmë i përforcuar me një paketë të re të...
    Lajme30 Prill 2024
    Ish ministri i Punëve të Jashtme, Enver Hoxhaj sociacionin e ka quajtur “përbindësh”. “Pjesa e fundit e kushtëzimit është ai neni 7...
    Sport30 Prill 2024
    Sulmuesi i Përfaqësueses së Kosovës, Edon Zhegrova, është nominuar për çmimin e futbollistit më të mirë të vitit në elitën e futbollit...
    Lajme30 Prill 2024
    Nënkryetar i Lidhjes Demokratike të Kosovës (LDK), Lutfi Haziri, ka thënë se kryeministri i Kosovës, Albin Kurti, nuk dëshiron zgjedhje. Ai ka...
    Lajme30 Prill 2024
    Kryeministri i Malit të Zi, Milojko Spajiq, ka thënë se vendi i tij nuk do të merret me çështjen e njohjes së...

    FrontOnline, © 2024 Të gjitha të drejtat e rezervuara.