Qeveria e vendit është detyruar që nga sot t’i kthej disa masa me qëllim të mbrojtjes se jetës së qytetarëve. Të gjithë kryetarët e komunave kanë pëkrahur parezervë veprimet e ministrit të Shëndetësisë, Armend Zemaj.

Vet ministri Zemaj i ka quajtur imperativë të Kosovës rivendosjen e disa masave kufizuese. Ai ka pohuar se për mosrespektuesit e rregullave do të kenë sanksione ligjore.

Sipas Zemajt në mbikqyrje të zbatimit të masave do të jenë inspektorët e inspektorateve (Inspektorati Sanitar i Agjencisë së Ushqimit dhe Veterinarisë, i Ministrisë së Tregtisë dhe Industrisë, Inspektoratet Komunale, dhe mekanizmat e sigurisë etj). Komunat gjithashtu tashmë kanë  riaktivizuar plotësisht shtabet emergjente.

Krahas rikthimit të disa masave ministria e shëndetësisë ka filluar edhe një riorganizim të gjitha spitalve me qëllim që gjithë qytetarët e vendit të kenë edhe më shumë mundësi për trajtimin e tyre mjekësor. Kjo është hera e parë që merret një vendim i tillë nga qeveria me qëllim të ruajtjes së jetës së qytetarëve.

Konform vendimeve të Qeverisë ka filluar edhe riorganizimi i kapaciteteve spitalore dhe shtimi i shtretërve, fuqizimi i personelit me profesionistët e rekrutuar nga ana e Ministrisë së Shëndetësisë, në mënyrë specifike në degët si mikrobiologjia, infektologjia dhe shërbimet e tjera të ndërlidhura me rastet e Covid-19, ndërkohë që gjatë javës, MSh do t’i prezantojë për miratim Qeverisë edhe Planin e Veprimit për procedurat e testimit për Covid-19 në Kosovë.

Shtimi i rasteve edhe si pasojë e mosrespetkimit të masave thelbësore ka bërë që qeveria të nis menjeherë krijim të kapaciteteve të reja testuese në regjione, të licencoj institucioneve shëndetësore private për të kryer testime për Covid-19, të  blejë 100,000 testeve virologjike, 500,000 vaksinave të gripit sezonal, të porosisë  vaksina eventuale kundër Covid-19, të blejë 7 aparate për testim, të siguroj  terapi të mjaftueshme të Covid-19, të sigurojë pagesa dhe buxhet shëndetësor shtesë për personelin shëndetësor dhe pajisje mbrojtëse për ta.

Është hera e parë që prej fillimit të pandemisë që gjithë pa asnjë dallim përkrahin vendimet e qeverisë.  /Front Online/