×
  • Lajme
  • Lajme

    Zemaj: Do të kemi edhe 7 aparate për RT-PCR, 100 mijë teste PCR, 30 mijë teste rapide dhe 100 mijë teste serologjike

    FrontOnline
    24 Gusht 2020

    Ministri i Shëndetësisë, Armend Zemaj, së bashku me Kryeministrin Avdullah Hoti, kanë zhvilluar një takim me kryetarët e Komunave të Kosovës.

    Pas këtij takimi, Zemaj ka njoftuar se po kryhen procedurat e blerjes së 7 aparateve të tjera për PCR në IKSHPK ku do të vihen në funksion në 6 qendrat rajonale të Shëndetësisë Publike (Mitrovicë, Pejë, Gjakovë, Prizren, Ferizaj e Gjilan).

    “Së shpejti do të kemi edhe: 7 aparate për RT-PCR, 100 000 teste PCR, 30 000 teste rapide dhe 100 000 teste aerologjike”.

    Më poshtë mund ta lexoni shkrimin e plotë të tij në Facebook:

    Së bashku me kryeministrin e Kosovës, Avdullah Hoti, dhe anëtarët e tjerë të kabinetit qeveritar takuam kryetarët e komunave, për tu dakorduar për menaxhimin e pandemisë, përgatitjet për fillimin e mësimit dhe analizimin e efektit të masave ndaj Covid-19.
    Sqarova se kemi një trend në rënie të pacientëve që kërkojnë mjekim dhe të rasteve pozitive.

    Sipas IKSHPK-së, 65% të infektuarve e kanë kaluar këtë sëmundje, derisa rreth 30 % të rasteve janë ende aktive, shkalla e vdekshmërisë në mesin e të infektuarve është 3.7%.
    Kemi rritur kapacitetet spitalore si në Prishtinë ashtu edhe në komunat e tjera. Kemi porositur 120 000 vaksina kundër gripit sezonal përmes UNICEF-it dhe po zhvillojmë procedura edhe për 380 000 të tjera.
    Kapacitetet në sektorin publik kemi rritur me rreth 300 ventilatorë, derisa sa kishim vetëm 82 sish. Në sektorin privat janë licencuar 86 Institucione Shëndetësore Private për kryerje të testeve serologjike dhe PCR.
    Po kryejmë procedurat e blerjes së 7 aparateve të tjera për PCR në IKSHPK ku do të vihen në funksion në 6 qendrat rajonale të Shëndetësisë Publike (Mitrovicë, Pejë, Gjakovë, Prizren, Ferizaj e Gjilan). Së shpejti do të kemi edhe: 7 aparate për RT-PCR, 100 000 teste PCR, 30 000 teste rapide dhe 100 000 teste serologjike.

    Sot pranojmë një donacion të radhës nga UNICEF-i me 7.4 tonelata furnizime mjekësore. Nga USAID do të për pranojmë edhe 50 ventilatorëve/respiratorëve.
    Kemi angazhuar 200 specialistë shëndetësorë të rekrutuar nga MSh dhe kemi hapur edhe konkursin për 1034 specializantë përfshirë dhe 48 nga Lugina e Preshevës dhe zona të tjera. Jemi në proces për t’i punësuar edhe 375 punonjës si staf mjekësor. Mbi 60 specialistë te tjerë do të rekrutohen në kuadër të një konkursi për angazhimin e specialistëve të papunë.
    Është për keqardhje se në këtë kohë të vështirë kemi humbur mjekë dhe infermierë nga Covid-19.

    Unë, KM dhe Departamentet tona në MSh përmes kontakteve me institucionet ndërkombëtare po përpiqemi të sigurojmë vaksinat kundër Covid-19, kurdo që ato zhvillohen dhe aprovohen.
    Para fillimit të vitit të ri shkollor, pres që secili sektor të jetë sa më i fokusuar në ushtrimin e përgjegjësive brenda fushës së vet duke lehtësuar punën e MSh-së në menaxhimin e pandemisë në fazat e tjera.

    Nga Rubrika
    Lajme24 Maj 2025
    Deputetja Duda Balje dje konfirmoi informacionet që qarkullonin, se asaj i është ofruar të bëhet profesoreshë në Shkup, në këmbim të votës...
    Lajme24 Maj 2025
    Kryeministri Edi Rama komentoi edhe fitoren në zgjedhjet e 11 majit gjatë intervistës me Richard Attias, organizatorin e FII, Iniciativa e Investimeve...
    Lajme24 Maj 2025
    Kryetari i Prishtinës, Përparim Rama ka thënë se po punojnë pa ndalur për të mbledhur mbeturinat në kryeqytet. Ai ka pohuar se...
    Të tjera
    Bota/Rajoni24 Maj 2025
    Shërbimi ushtarak rus i inteligjencës (GRU) ka shënjestruar mijëra kamera të mbikëqyrjes nëpër Rumani dhe shtete të tjera anëtare të NATO-s që...
    Lajme24 Maj 2025
    Kryetari i Prishtinës, Përparim Rama ka thënë se po punojnë pa ndalur për të mbledhur mbeturinat në kryeqytet. Ai ka pohuar se...
    Bota/Rajoni24 Maj 2025
    Kryeqyteti i Ukrainës, Kiev, u vu nën një sulm në shkallë të gjerë me dron dhe raketa ruse gjatë natës së së...
    Lajme24 Maj 2025
    Me ftesë të Kongresit Amerikan, presidentja Vjosa Osmani ka udhëtuar për në Shtetet e Bashkuara të Amerikës për të marrë pjesë në...
    Lajme24 Maj 2025
    Kosova do jetë nikoqire e ushtrimit më të madh ndërkombëtar, të drejtuar nga ushtria e Shteteve të Bashkuara të Amerikës për Evropë...
    Lajme24 Maj 2025
    Njohësi i integrimeve evropiane, Dritëro Arifi, për FrontOnline ka vlerësuar vizitën e përfaqësueses së lartë për Politikë të Jashtme dhe Siguri të...
    -->

    FrontOnline, © 2025 Të gjitha të drejtat e rezervuara.