Ylli i filmave të “Harry Potter”, Daniel Radcliffe dhe partnerja e tij, Erin Darke, mirëpritën fëmijën e tyre të parë, një djalë, në prill të këtij viti.

Aktori së fundmi ka folur për revistën E!News dhe tha se e trembi shumë fakti që do të bëhej baba.

“Sinqerisht, është e frikshme të kesh një qenie njerëzore për të cilën kujdesem kaq shumë dhe e di se gjithçka që ai bën ndikon në mënyrën se si ndihem për pjesën tjetër të jetës sime. Pra, e dini, është e frikshme”, tha Daniel.

Pavarësisht se pranoi se u desh shumë të mësohej me faktin se familja e tyre tani është tre, Daniel thotë se është i lumtur me djalin e tij.

“Fakti që ekziston një krijesë që mund të të dhurojë natën më të keqe të jetës tënde dhe më pas zgjohesh në mëngjes dhe i afrohesh atij dhe ai kthehet dhe buzëqesh dhe je sikur ‘nuk më intereson gjëra të tjera që ke bërë’. Është shumë bukur”, tha aktori.

Radcliffe normalisht nuk flet publikisht për jetën e tij private, prandaj ka marrë vesh se do të bëhet baba vetëm një muaj para lindjes së djalit, por duket se roli i babait i pëlqen shumë, ndaj vendosi të flasë në lidhje me të.

Ai theksoi mes tjerash se kthimi në punë do të jetë i vështirë për të.

“Më pëlqen të kaloj kohë me të dhe mendoj se do të më mungojë kur të kthehem në punë më vonë gjatë vitit. Kam qenë gjithmonë selektiv, por mendoj se do të jem duke punuar më pak për vitet e ardhshme”, tha ai.

Aktori 34-vjeçar u takua me Erin në xhirimet e filmit “Kill Your Darlings” të vitit 2013, në të cilin ai luante poetin Allen Ginsberg dhe ajo luante një grua që ka një takim romantik me të./Telegrafi/