Qyteti Wuhan i Kinës është duke hartuar plane për testimin e 11 milionë banorëve të tij për koronavirus,

Sipas autoriteteve shëndetësore, plani është ende në fazat fillestare dhe të gjitha qarqeve në Wuhan u janë kërkuar detaje se si mund ta bëjnë testimin brenda dhjetë ditësh, raportojnë mediat shtetërore.

Këto raporte vijnë pasi Wuhani – vendi i origjinës së koronavirusit – ka regjistruar gjashtë raste të reja gjatë fundjavës. Përpara tyre, ai nuk ka pasur asnjë rast të ri qysh më 3 prill

Wuhani, i cili ka qenë në izolim të plotë për 11 javë, ka nisur të rihapet më 8 prill.

Kina në total ka raportuar për mbi 84 mijë raste me koronavirus dhe mbi 4 mijë e 600 viktima. Sot, autoritetet kineze thanë se kanë regjistruar vetëm një rast të ri të infektimit.