Sot rreth orës 13:00 ka ndodhur një vrasje me armë të ftohtë në fshatin Vitomiricë të Pejës.
Viktima është një burrë i moshës 60-vjeçare.
Lajmin për Front Online e ka konfirmuar zyrtari i Policisë për Informim, Fadil Gashi.
Gashi ka thënë se dy të dyshuar për këtë rast janë arrestuar.
“Rreth orës 13;00, në rrugën “Hysen Hykaj” në Vitomiricë, pas një mosmarrëveshje është therur me thikë një burrë dhe është dërguar në emergjencë dhe mjeku kujdestar e ka konfirmuar vdekjen e tij. Viktima është i moshës rreth 60-vjeçare. Dy të dyshuar për rastin janë arrestuar dhe janë duke u intervistuar”, ka thënë Gashi./Front Online