Nga rasti tragjik i cili ka ndodhur të premten në orët e mëngjesit, ku dy persona (babë e bir) kanë mbetur të vdekur si pasojë e një vrasje brenda një familje në veri të Mitrovicës, ndërsa një person tjetër (vëllai) është arrestuar.
Në raportin 24 orësh të Policisë së Kosovës, thuhet se vrasja ndodhi si pasojë e një mosmarrëveshje në mes babait dhe dy djemve, ku janë përdorur dhe mjete të mprehta (thikë).
“Raportohet se ka ndodhur një rrahje në mes dy vëllezërve dhe babait, ku janë përdorur edhe mjete të mprehta. Si pasojë, babai dhe njëri djalë kanë mbetur të vdekur, ndërsa djali tjetër është arrestuar. Me vendim të prokurorit, trupat e pa jetë të viktimave janë dërguar në IML për obduksion, ndërsa i dyshuari është dërguar në mbajtje”, thuhet në raport.
