Sot në seancën e Kuvendit është votuar kaloi Rezoluta për të drejtat e pensionistëve kontributdhënës.
Kjo rezolutë kaloj me 53 vota për e 11 abstenime.
“Kjo rezolutë kërkon që të ndryshohet ligji për kontributet pensionale dhe të hiqet komplet kriteri diskriminues për përvojën e punës 15 vjeçare”.
Këtë e ka bërë të ditur deputetja e AAK-së, Teuta Haxhiu.
Duke falënderuar deputetet për mbështetje ndaj kësaj rezolute, deputetja e AAK-së, Teuta Haxhiu në profilin e saj në facebook, njoftoi se me këtë rezolutë kërkohet që të largohet plotësisht kriteri diskriminues prej minimum 15 vjet pune.
Shkrimi i plotë i Haxhiut:
Me 53 vota për dhe 11 abstenime kaloi Rezoluta për të drejtat e pensionistëve kontributdhënës
Më në fund mora besimin e grupeve parlamentare të Ldk-së dhe Pdk-së, dhe komuniteteve pakicë jo serbe, për votimin e rezolutës për të drejtat e pensionistëve kontributdhënës.
Kjo rezolutë kërkon që të ndryshohet ligji për kontributet pensionale dhe të hiqet komplet kriteri diskriminues për përvojën e punës 15 vjeçare.
Falënderoj deputetët për mbështetje!
