Kryetarja e Kuvendit, Vjosa Osmani ka hedhur akuza në drejtim të Qeverisë së Kosovës, duke thënë se janë ata që kanë bllokuar ligjet, e jo deputetët e Kuvendit të Kosovës, raporton Front Online.
Në seancën e parë të sesionit vjeshtor, kryeparlamentarja Osmani, ka kërkuar nga deputetët që të ju përmbahen masave anti Covid, duke ju uruar shërim të shpejtë të gjithë atyre që janë infektuar me Coronavirus
“Jam shumë e lumtur që të gjithë ata deputetë që kanë qenë të infekturar tani më janë në mesin tone”, ka thënë ajo.
Osmani e ka quajtur propagandë deklarimin se deputetët në këtë legjislaturë nuk e kanë kryer punën e tyre.
“Refuzoj propaganda që deputetët nuk e kanë kryer ligjet, nga 120 ligje që thuhej se kinse deputetët nuk i kanë trajtuar ata në fakt nuk kanë ardhur sepse nuk i ka sjellë qeveria”
“Nga 4 muaj e gjysmë sa kemi pasur funksionalitet të plotë, deputetët e kuvendit nëpërmes punës së palodhshme në komisione kanë sjellë në këtë seancë 100 për qind të punëve që i kanë trajtuar nëpër komisione”, ka thënë ajo./Front Online
https://www.facebook.com/FrontOnlineMedia/videos/244622766890196/
