Kryetari i Partisë̈ Demokratike të Kosovës (PDK), Kadri Veseli, ka mbajtur konferencë për media lidhur me ngritjen e disa komisioneve hetimore në Kuvendin e Kosovës, të cilat komisione do të merren me të gjithë shkelësit e ligjit, raporton Front Online.

Ai tha se që nga sot do të fillojë rrugëtimi më të vërtetën për të gjithë ata që kanë abuzuar që 20 vjet për shumë tema në Kosovë.

“PDK dhe unë jemi të përkushtuar për ta përfaqësuar interesin e qytetarëve dhe të shtetit, jemi të angazhuar që t’u japim barazi të gjithë qytetarëve ku nuk ka vend për krim dhe korrupsion. Unë e kam dhënë fjalën dhe po mundohem ta mbajë, javën që shkojë e kam prezantuar rrugëtimin e ri të PDK-së, ku zë vend shteti i së drejtës për mua si kryetar dhe për PDK-në interesi i qytetarëve dhe mbrojtja e Republikës. Jemi mbi çdo gjë prandaj nga sot e nisim ballafaqimin me të vërtetën për shumë tema e shumë vendime me të cilën është abuzuar që 20 vjet”, tha Veseli para gazetarëve.

Veseli tha se PDK-ja do të fokusohet që ta çojë përpara procesin e konfiskimit të pasurisë së paligjshme.

“Si parti e qendrës se djathë do të angazhohemi qe këtij procesi t’i ecim deri në fund duke e konfiskuar pasurinë e paligjshme”, tha ai.

Veseli gjatë konferencës foli edhe për marrëveshjen me Serbinë.

Ai tha se PDK-ja është për dialog në mënyrë që të përmirësohen raportet me Serbinë.

https://www.facebook.com/FrontOnlineMedia/videos/3819381798137183/