Presidenti i bregut të Fildishtë, Alassane Ouattara tha sot se kombi është në zi për vdekjen e kryeministrit Amadou Gon Coulibaly sot pasdite, pak pasi kishte kryer një mbledhje të kabinetit qeveritar.
Kryeministri ishte kthyer së fundmi nga një qëndrim dy-mujor në Francë ku po kryente kontrolle mjekësore.
Asokohe qeveria kishte njoftuar se “pas ekzaminimeve në spitalin Pitié-Salpêtrière kryeministri do të bëjë disa javë pushim, sipas rekomandimit të doktorëve.”
Coulibaly ishte kthyer në Bregun e Fildishtë të enjten. Në mesazhin e tij President Ouattara tha, “Përshendes kujtimin e këtij burri shteti, besnikërinë dhe përkushtimin dhe dashurinë për atdheun”.
