Front TV

Vdekjet në Infektivë, Syla: Të mos linçohemi, më së paku kanë faj mjekët dhe infermierët

Vdekjet në Infektivë, Syla: Të mos linçohemi, më së paku kanë faj mjekët dhe infermierët
19:55 | 07 Korrik 2020

Kryesindikalisti i mjekëve, Blerim Syla, në një intervistë për Front Online, ka thënë që nuk duhet të drejtohet gishti nga mjekët dhe infermierët, për vdekjet e dyshimta që kanë ndodhur në Klinikën Infektive në orët e para të mëngjesit të së shtunës.

Kryesindikalisti i mjekëve: Mbi 300 mjekë të infektuar, rrezikohet reduktimi i stafit mjekësorë

“Për sa i përket vdekjeve nga oksigjeni, aty më së paku është faji i punëtorëve shëndetësorë dhe unë jam ai që duhet t`i mbrojë punëtorët shëndetësorë dhe jo të keqen. Mirëpo t`ia lëmë këtë çështje organeve të drejtësisë”, ka thënë ai.

Syla pati një kritikë për të gjithë ata që i fajësuan mjekët për këtë situatë të krijuar.

“Ajo çfarë unë e kam si kritikë, është që të mos ngutemi dhe t`i linçojmë mjekët dhe infermierët që janë duke e bërë një punë goxha heroike dhe tash të mos e keqpërdorin edhe familjarët të cilët janë duke u futur brenda, po e shohin situatën dhe të dalin me deklarata që i kanë dhënë këto ditë. Nuk duhet të linçohemi, nga heronjtë tash të kthehemi në diçka tjetër nuk është mirë”, ka thënë ai për Front Online.

Prince Coffee House tani edhe në Vjenë të Austrisë

Të tjera