Ndodh që nuk kërkoni asgjë dhe asgjë nuk ju sjell gëzim. Jeni zgjuar në mëngjes dhe për asgjë nuk keni vullnet? Apo përpiqeni të punoni, por vetëm sapo nuk ju zë gjumi?
Do ta pranoni që situata të tilla janë mjaft të zakonshme. Patjetër duhet t’i gjeni forcë vetes dhe të përfshiheni në rrjedhat jetësore. Një ushtrim i artë do t’ju ndihmojnë në këtë drejtim.
Në jogën klasike dhe në praktikat e tjera ka ushtrime që synojnë mobilizimin e rezervave të brendshme të energjisë dhe këndellje në situata të ndryshme.
Një ndër ato ushtrime është Mbajtja e Hënës, që rrjedh nga shkathtësia e lashtë orientale Qikong.
Ushtrimi bëhet kështu:
Qëndroni vertikalisht dhe drejtoni shpinën. Pastaj ngadalë uluni përpara, duke relaksuar muskujt e shpinës. Gjithashtu relaksoni duart dhe lëshoni ashtu që gishtat t’ju arrijnë pak nën gjunjë.
Duart dhe këmbët duhet të jenë të drejtë. Mundohuni të prekni mjekrën me gjoks për të rrumbullakosur shpinën. Mbani frymën. Të gjitha këto bëni qetë dhe butë.
Pastaj ngadalë drejtohuni, duke i mbajtur duart të shtrira para vetes. Mos ndërprisni lëvizjen derisa duart të jenë mbi kokë. Lëvizja duhet të ndjekë frymëmarrjen pa ndërprerë nëpër hundë.
Imagjinoni që në duar mbani një top të madh. Dhe pastaj përkuleni pak shpinën përpara. Qëndroni në atë pozicion dhe mbani frymën. Drejtohuni dhe lëshoni duart anash, duke nxjerrë frymën nga hunda.
Një ndjenjë e këndshme, e dridhur do të përshkojë trupin tuaj.
Imagjinoni që rrjedha e energjisë së brendshme largon çdo gjë të tepërt nga trupi juaj: emocionet negative, sëmundjet, toksinat dhe të tjerat. E gjithë papastërtia largohet nga ju dhe shkon në tokë përmes këmbëve tuaja.
Në të njëjtën kohë, ju mbushni çdo qelizë të trupit tuaj me energji jetike, bëheni të shëndetshëm dhe të rinj.
Mos lëvizni për disa sekonda, për të shijuar ndjenjën e këndshme të të qenit të mbushur me energji.
Ky është i gjithë ushtrimi. Përsëriteni 10 deri në 20 herë.
