Përafërsisht çdo i treti person në botë vuan nga presioni i lartë i gjakut dhe shumë nuk e dinë këtë. Simptomat e të ashtuquajturit vrasës i heshtur shpesh janë të padukshme, megjithëse presioni i lartë i gjakut rrit rrezikun e goditjes në tru, sulmit në zemër, sëmundjeve të zemrës, sëmundjeve të veshkave, madje edhe demencës vaskulare.

Kjo është arsyeja pse është shumë e rëndësishme të kujdeseni për presionin e gjakut. Për ata me nivele të larta, një dietë e shëndetshme është çelësi për ta mbajtur atë nën kontroll dhe për ta ulur atë. Në fakt, ka ushqime dhe pije që duhen shmangur.

Sipas nutricionistes Becky Graham për The Sun, njerëzit që vuajnë nga presioni i lartë i gjakut duhet që në radhë të parë të reduktojnë marrjen e kripës. Rekomandimi i ekspertëve shëndetësorë është që të mos hani më shumë se gjashtë gram kripë në ditë, që është afërsisht një lugë çaji.

Për njerëzit që vuajnë nga hipertensioni, pijet me sheqer, karbohidratet e rafinuara, si buka e bardhë dhe makaronat, si dhe ushqimet e përpunuara dhe gjysmë të përgatitura janë gjithashtu të rrezikshme. Ju gjithashtu duhet të reduktoni marrjen e kafeinës dhe alkoolit, mishit të kuq dhe të përpunuar, pjatave me yndyra të ngopura dhe trans-yndyrore, disa erëza si ketchup, salcë djegës, salcë soje dhe salcë për sallatë dhe pica./FrontOnline/