Aktualisht i ka 42 mijë studentë.
Por, shumë shpejt Universiteti të Prishtinës do t`i shtohen edhe mbi 6 mijë e 600 të tjerë të rinj të nivelit bachelor.
Kështu është paraparë në konkursin, që ky universitet e hapi të hënën, për vitin akademik 2020/2021.
“Mund të them se jam i lumtur. Sot kemi shpall konkurs për pranimin e 6 e 638 studentëve potencialë sepse do të kemi shumë më shumë aplikantë, prej të cilëve ato që pranohen do të mund t`i ndjekin studimet në 70 programe”, theksoi për Front Online, Hysen Bytyqi, prorektor për mësim dhe çështje të studentëve në UP.
Fatin për t`u bërë pjesë e Universiteti më të madh në vend e provoi të hënën edhe Albin Avdiu.
Ky aplikoi në Fakultetin Ekonomik, dega Menaxhment dhe Informatikë.
“Arsye se pse kam aplikuar në këtë drejtim është se kam pasur ambicie për të prej shkollës të mesme. Nuk kam qenë në këtë drejtim në shkollë të mesme, por i kam pasur disa lëndë zgjedhore rreth saj, më ka pëlqyer”, u shpreh ai për Front Online.
Një aplikant tjetër, dokumentet për pranim i çoi në fakultetin që është ngjitur më këtë, atë të Juridikut.
“Kam zgjedhur drejtimin e juridikut fillimi i viteve bachelor. Prej fillimit të shkollës të mesme kam qenë i pasionuar për avokat.”.
Fakultetet, ku këta ia mësyn pranimit, sivjet pranojnë 1250 respektivisht 800 studentë të rinj
Fakulteti Filozofik – 620 studentë, ai i Shkencave matematiko-natyrore 570, ai i Filologjisë 665, ai i ndërtimtarisë 300, i elektrikes dhe Inxhinerikës 390, i inxhinerisë Mekanike 300, derisa ai i arteve 173 e ai mjekësisë 420.
Aplikantët këtë mundësi që këtë të drejtë ta shfrytëzojnë deri me 30 shtator.
“Mesazhi im është që studentët potencialë të synojnë UP-ne sepse bëhet fjalë për një institucion me histori, që synon të arrijë universitet më prestigjioze”, shpreh prorektori Bytyqi.
Më pas, aplikantët, do t`u nënshtrohen provimeve pranuese në ndonjërën prej datave, 2, 3, 4, 5 dhe 6.
