Presidenti Donald Trump pohoi se administrata e tij po “shikon mundësinë nëse mund të marrë një vendim për mbylljen e aplikacionit “TikTok” në Shtetet e Bashkuara të Amerikës”.

Aplikacioni i mediave sociale është në pronësi të një firme kineze – megjithëse dyshohet se drejtohet nga një CEO amerikan, raporton theindependent.

Zyrtarët amerikanë kanë ngritur shqetësime në lidhje me qeverinë kineze duke përdorur të dhëna private dhe personale përmes telefonave celularë të amerikanëve.

Presidenti i quajti veprimet e asaj dhe kompanive të tjera të mëdha të teknologjisë “shumë të këqija”, por nuk hyri në specifika, transmeton Telegrafi.

Sekretari i Shtetit, Mike Pompeo kohët e fundit paralajmëroi amerikanët që përdorin TikTok-un.

“Në lidhje me aplikacionet kineze në celularët e njerëzve, mund t’ju siguroj se Shtetet e Bashkuara do ta marrin këtë të drejtë”, tha ai. “Unë nuk dua të dal para Presidentit [Donald Trump], por është diçka që ne po e shyqrtojmë mundësinë”, shtoi Pompeo.

Ndryshe, kompania ka njoftuar se rreth 800 milionë njerëz kan shfrytëzuar njëherë shërbimet e aplikacionit.