Tifogrupi i Kombëtares shqiptare, “Tifozat Kuq e Zi” kanë përkujtuar përvjetorin e 23 të çlirimit të Kosovës nga pushtuesi serb.
“Kuqezinjtë” me rastin e ditës së çlirimit të Kosovës kanë përkujtuar të rënët për lirinë e Kosovës.
“Si sot, 23 vite më parë përkujtojmë një stacion të rëndësishëm kombëtar: Çlirimin e tokës së shenjtë Dardane nga pushtuesi i huaj”.
“Dëshmorët e rënë për liri, fëmijët me ëndrrat e shkëputura, të zhdukurit e të pagjeturit janë heronjtë dhe vetëdija mbi rrugën e përbashkët dhe të pashmangshme drejt Bashkimit Kombëtar!”
“Ideologjia e atyre që kurrë nuk u dorëzuan janë motivimi ynë më i madh, për të ndjekur ëndrrën e një Shqipërie të përjetshme, Shqipërisë Etnike!”, thuhet në postimin e tyre në faqen zyrtare në Facebook.