-->
×
  • Lajme
  • Lajme

    Thaçi para 5 muajve: Duhet një kryeministër që i fiton zgjedhjet

    FrontOnline
    03 Nëntor 2019

    “Duhet një kryeministër që i fiton zgjedhjet”. Me këtë deklaratë muaj më parë Thaçi po e godiste kreyministrin Haradinaj, me të cilin më as nuk fliste. Tash kjo deklaratë i shkon shumë për shtati fituesi të zgjedhje – sipas rezultateve preliminare, që është rivali i tij më i madh politik vitëve të fundit, Albin Kurti.

    Presidenti i Kosovës, Hashim Thaçi, me datën 24 qershor të këtij viti kishte thënë në një debat të hapur ku ishin të pranishëm shumica e liderëve, se vendit i duhet një kryeministër që i fiton zgjedhjet, në mënyrë që të i marr vendimet e mëdha.

    Këto komente Thaçi i kishte bërë në konferencën “Zëri i Popullit rreth Finales së Madhe ndërmjet Kosovës dhe Serbisë“, shkruan Gazeta Express.

    Thaçi në këtë konferencë të organizuar nga Instituti RIDEA kishte shpalosur idenë e tij për “korrigjim të kufijve” para liderëve të tjerë. Nuk kishte si të mos mungonte edhe një thumb ndaj kryeministrit në detyrë, Ramush Haradinaj.

    Duke qenë se Thaçi atëkohë po drejtonte dialogun, dhe Haradinaj e kundërshtonte idenë e ndryshimit të kufiivje. Mes shumë përplasjeve që krerët e shtetit kishin, Thaçi ia kujtoi Haradinajt se nuk është kryeministër i shumicës.

    “Duhet me i fitu zgjedhjet. Për me pas një qeveri efektive sinqerisht duhet të jetë një kryeministër që i fiton zgjedhjet”, kishte thënë Thaçi gjatë fjalimit të tij./

    Para pesë muajve qeveria e Haradinajt ishte ende solide dhe askush nuk e priste vendimin e tij që të dorëhiqej. Tani pas zgjedhjeve të parakohshme, fitues ka dalë Lëvizja Vetëvendosje. Kandidati për kryeministër i këtij subjekti, Albin Kurti, ka premtuar që ai nuk do lejojë Thaçin që të drejtojë më dialogun, dhe se këtë do e bëjë vetë ai.

    Edhe pse tani ka kaluar gati një muaj që nga shpallja e rezultateve preliminare, presidenti i vendit ende nuk ka thënë asnjë fjalë rreth rezultateve.

    Ndërkaq Kurti ka folur për Thacin si president.

    Në intervistat e shumta që Kurti ka dhënë muajin e fundit, ka thënë se “raportet me Thaçin janë të mira sepse ato nuk ekzistojnë fare”.

    Tutje ai thotë se Thaci duhet t’ia japë mandatin për krijimin e Qeverisë, e ai do të bënte mirë që si President të hiqte dorë nga pozita e tij,  pasi Kurti e konsideron Thaçin të dëmshëm për shtetin.

    Si fitues i zgjedhjeve, Kurtit i takon opsioni i parë për krijimin e qeverisë së re. Por kohët e fundit ka pasur disa diskutime me subjektin me të cilin po negocion për koalicion, LDK’në. Edhe pse grupet punuese të këtyre dy subjekteve kanë përafruar jashtëzakonisht shumë programin qeverisës, nënkryetari i LDK’së, Lutfi Haziri, ka bërë disa deklarata në të cilat ka diskutuar postin e kryeministrit.

    “Emri i kryeministrit kalon nëpër zyret e LDK’së”, ka thënë Haziri.

    Pas certifikimit të zgjedhjeve, fituesit i duhet të shkojë tek presidenti që të marrë mandatin. Kjo do të jetë ngjarje që pritet të zgjojë interes tek publike për shkak të antagonizmave që kanë ndërmjet vete këta dy politikanë./Front Online/

    Nga Rubrika
    Lajme18 Mars 2025
    Agim Shahini nga Agjencia Kosovare e Bizneseve, për FrontOnline shprehet se me rritjen e rrymës prej 15%, Kosova do të bëhet kampione...
    Lajme18 Mars 2025
    Arianit Koci e ka quajtur dështim të Gjykatës Speciale mosdhënien e lejes për vizitë humanitare në Kosovë për ish-presidentin Hashim Thaçi. Dhomat...
    Lajme18 Mars 2025
    Deputetja e LDK-së, Hykmete Bajrami, për FrontOnline, deklaron se çmimi i energjisë elektrike është rritur për tri herë në tri vitet e...
    Të tjera
    Kronika18 Mars 2025
    Po dalin detaje të reja nga grabitja e armatosur që ndodhi dje në afërsi të Qendrës Tregtare “Albi Mall”. Disa grabitës të...
    Lajme18 Mars 2025
    Sot parashihet të mbajë mot me diell dhe vranësira të shpërndara, të cilat vende-vende mund të sjellin riga shiu, kryesisht në disa...
    Lajme17 Mars 2025
    Sekretarja e Përgjithshme e Partisë Demokratike të Kosovës, Vlora Çitaku ka reaguar pasi Specialja nuk i lejoi ish-presidentit Thaçi që të marrë...
    Lajme17 Mars 2025
    Kryetari i Partisë Demokratike të Kosovës, Memli Krasniqi e ka quajtur padrejtësi dhe diskriminim mosjelimin nga ana e Gjykatës Speciale që ish-presidenti...
    Lajme17 Mars 2025
    Aktivisti Uk Lushi është shprehur i ashpër me Vjosa Osmanin e Albin Kurtin, për të cilët tha se “as nuk lëvizin qerpikun...
    Lajme17 Mars 2025
    Presidenti i Aleancës Kosova e Re (AKR), Behgjet Pacolli, i ka shkruar letër publike ish-presidentit Hashim Thaçi. Kjo pasi siç ka njoftuar...
    -->

    FrontOnline, © 2025 Të gjitha të drejtat e rezervuara.