Presidenti i Kosovës, Hashim Thaçi është takuar me krerë politikë të Shqipërisë.
Ai është takuar me ministrin Klosi, kryebashkiakët Ndreu e Leli dhe ambasadorin e Shqipërisë në Kosovë, Qemal Minxhozi ku kanë folur për turizmin në Kosovë dhe Shqipëri.
Thaçi këtë e ka bërë të ditur nëpërmjet një postimi në Facebook ku shprehet se me koordinim ndërshtetëror, dy vendet mund të bëhen më atraktive për turistët e huaj.
Ky është postimi i Thaçit:
Me ministrin Klosi, kryebashkiakët Ndreu e Leli dhe ambasadorin Minxhozi sot biseduam për turizmin në Kosovë e Shqipëri. Të dyja vendet tona kanë resurse dhe bukuri natyrore impresionuese në të gjitha stinët e vitit. Kosova me turizmin dimëror dhe Shqipëria me atë veror, me një koordinim më të mirë ndërshtetëror, mund të bëhen shumë më atraktive dhe të tërheqin më tepër turistë të huaj. HTH.
