Pjesëtari i Policisë së Kosovës, Artur Mrasori i cili në janar të këtij viti gjatë një aksioni policor në Zhur të Prizrenit, kishte marrë plagë të mëdha, do të kthehet nesër në Kosovë, transmeton Front Online.

Mrasori ishte transferuar për trajtim në Turqi për shkak të lëndimeve që kishte marrë.
32 vjeçari thuhej se kishte humbur njërin sy dhe i ishte shtruar operacionit kirurgjik në sy.
Policia e Kosovës përmes një njoftimi për media ka treguar se ai do të mbërrijë nesër në Kosovë, pas trajtimit që ka marrë në Turqi.
“Policia e Kosovës ju njofton se sot me datë 03 shtator 2020 në ora 18:00, në Aeroportin “Adem Jashari” në Prishtinë, do të arrijë zyrtari policor Artur Mrasori, i cili që nga data 31.01.2020 ka qenë në trajtim mjekësor në shtetin e Turqisë, për shkak të lëndimeve serioze të marra në kryerje të detyrës me datë 28.01.2020”, është thënë nga policia./Front Online/