Bota/Rajoni

Takimi Lukashenko-Putin, biseda që përcaktojnë të ardhmen e Minskut

Takimi Lukashenko-Putin, biseda që përcaktojnë të ardhmen e Minskut
13:31 | 14 Shtator 2020

Derisa të gjithë kërkojnë që t’i jepet fund krizës politike në Bjellorusi, presidenti i këtij vendi, Aleksandar Lukashenko pritet të takohet këtë të hënë në Moskë me homologun rus Vladimir Putin, i cilësuar shpesh prej tij si vëllai i madh, shkruan DW.

Kjo do të jetë vizita e parë jashtë vendin e Lukashenkos që prej datës 9 gusht kur u zhvilluan zgjedhjet presidenciale të cilat kontestohen nga opozita dhe nuk njihen nga Bashkimi Evropian dhe SHBA. Por nga ana tjetër, shefi i Kremlinit e njeh Lukashenkon si liderin legjitim të Bjellorusisë, e madje ka deklaruar se është gati të dërgoje forcat ruse nëse për shkak të protestave, situata del jashtë kontrollit.

Disa analistë spekulojnë se Putini do të kërkojë lidhje më të thella ekonomike dhe politike me Minskun si çmimi për mbështetjen e tij. Deri më tani Lukashenko nuk ka kthyer përgjigje nëse do të pranojë të hyjë në dialog me opozitën me ndërmjetësimin e faktorit ndërkombëtar sikundër OSBE.

Bashkimi Evropian ka bërë thirrje që të gjendet gjuha e dialogut, ndërsa është duke u përgatitur edhe një listë me emra zyrtarësh ndaj të cilëve do të ndërmerren sanksione për dhunë ndaj protestuesve dhe manipulim të zgjedhjeve. Nëse Lukashenko siguron mbështetje nga Putini për të shuar kundërshtimin ndaj sundimit të tij, do të ishte e rëndësishme në krijimin e së ardhmes së Bjellorusisë.

Nga ana tjetër protestat kundër presidentit Lukashenko vijojnë në rrugët e Minskut; me mijëra qytetarët kërkojnë largimin e tij ku nuk mungojnë as përplasjet me policinë e po ashtu edhe arrestimet e qindra protestuesve.

Vedat Bajrami banori më i ri në Big Brother VIP Kosova

Të tjera