Shefi i Zyrës së Organizatës Botërore të Shëndetësisë në Bullgari, Skënder Syla, tha se koronavirusi në Kosovë po përhapet edhe nga neglizhenca dhe perceptimi i gabuar i qytetarëve.
Ai thotë se gabimet më të shpeshta që po i bëjnë njerëzit është mosmbajtja e maskave kur janë me kolegë, miq dhe familjarë.
Syla tha se secili është potencialisht i infektuar, prandaj maska duhet mbahet vazhdimisht dhe jo vetëm sa për dekor.
Statusi i plotë:
Pse po përhapet kaq shpejt COVID-19,përpos tjerash edhe nga neglizhenca dhe perceptimi i gabuar;
Ata janë kolegët e mi dhe unë mund të flasë pa maskë
Ata janë miqtë e mi dhe unë mund të flasë pa maskë
Ata janë të afërmit e mi dhe unë mund të flasë pa maskë.
Mos bëni gabime të tilla. Secili potencialisht mund të jetë i infektuar. MBANI MASKË përherë jo për dekor por për të mbuluar gojën dhe hundën.
Mbroni veten dhe shoqërinë tuaj.
