Një person i dyshuar është arrestuar sot në Ferizaj.

I njëjti dyshohet se ka sulmuar seksualisht një të mitur të moshës 13 vjeçare.

Policia, përmes një komunikate për media ka njoftuar se rasti ishte raportuar gjashtë ditë më parë.

I dyshuari me inicialet T.D (M/K) i moshës 30 vjeçar është intervistuar dhe me vendim të prokurorit është dërguar në mbajtje për 48 orë.

Njoftimi i plotë i Policisë:

Arrestohet një person për sulm seksual nê Ferizaj

Me datën 14.07.2022 rreth orës 18:30 Policia Rajonale e Ferizajt kishte pranuar një informacion se në një rrugë në Ferizaj ishte një rast i sulmit seksual, ku një person kishte sulmuar seksualisht një të mitur ( F/K) e moshës 13 vjeçare dhe kishte ikur në drejtim të panjohur.

Në lidhje me këtë policia menjëherë i kishte marr veprimet e nevojshme, ka dalë në vendin e ngjarjes dhe në rast janë kyçur Sektori Rajonal i Hetimeve, të cilët nën autorizim të Prokurorit për të mitur nga Prokuroria Themelore në Ferizaj kanë nisur hetimet në kërkim të personit të dyshuar.

Pas një pune intenzive hetimore, grumbullimit të informacioneve në terren, shikimit të kamerave të sigurisë, kanë arritur të identifikojnë dhe të arrestojnë sot me datë 20.07.2022 në ora 11:00 personin e dyshuar me inicialet T.D (M/K) i moshës 30 vjeçar, nën dyshimin se ka kryer veprën penale ” Sulm seksual”

Policia të dyshuarin e ka shoqëruar në stacionin policor në Ferizaj dhe pas intervistimit nga hetuesit rajonal ,në prani edhe të avokatit mbrojtës,me vendim të Prokurorit të rastit, i njëjti është dërguar në mbajtje për 48 orë, për procedura të mëtejme, ndërsa rasti është cilësuar ” Sulm seksual”.