Suedia dhe Finlanda përfunduan negociatat për anëtarësimin në NATO në selinë e Aleancës në Bruksel, siç u ra dakord javën e kaluar në samitin e liderëve të NATO-s në Madrid.
Të dy vendet kanë konfirmuar zyrtarisht gatishmërinë dhe aftësinë e tyre për të përmbushur detyrimet politike, ligjore dhe ushtarake që dalin nga anëtarësimi në NATO.
Siç thuhet në njoftimin në faqen e NATO-s, protokollet për anëtarësimin e Finlandës dhe Suedisë në aleancën ushtarake duhet të nënshkruhen sot në selinë e Aleancës, të cilat më pas duhet të ratifikohen nga të gjithë anëtarët./FrontOnline/