Dita Botërore e Shëndetit Mendor shënohet më 10 tetor dhe është fushata më e rëndësishme vjetore globale që synon ndërgjegjësimin për rëndësinë e shëndetit mendor.

Ajo shënohet në të gjitha kontinentet dhe pothuajse në të gjitha vendet përmes ngjarjeve dhe programeve lokale, rajonale dhe kombëtare. Këtë vit, ajo shënohet nën sloganin “Le të bëhet shëndeti dhe mirëqenia mendore një prioritet për të gjithë” dhe ofron një mundësi për të gjithë që të ndërmarrin veprime për të mbrojtur dhe përmirësuar shëndetin mendor.

Në ditët e sotme, për shkak të ndryshimeve intensive ndaj të cilave jemi të ekspozuar në mjedis, një numri të madh detyrimesh dhe një stili jetese të shpejtë, ndodh shpesh që t’i vendosim të fundit nevojat tona dhe të harrojmë se përveç shëndetit fizik, jo më pak nuk është edhe shëndeti ynë mendor

Sipas Institutit të Qytetit për shëndetin publik, të gjitha sfidat e epokës moderne, së fundmi dhe pandemia COVID-19, prekin individët ndryshe, mund të ndihemi të mërzitur, të lodhur, në ankth ose të kemi ndonjë ndjenjë apo simptomë tjetër që shoqëron stresin, paaftësia për t’u përqendruar, mungesa e motivimit, ndjenja e vetmisë, por edhe reaksione fizike në formën e ankesave të ndryshme gastrointestinale, dhimbje koke, shtrëngime në gjoks etj.

Depresioni, ankthi patologjik dhe çrregullime të tjera të shëndetit mendor mund të ndikojnë në aftësinë për të funksionuar në jetën e përditshme, ashtu si diabeti ose disa sëmundje kardiovaskulare.

Në botë, çdo një në dhjetë persona jeton me ndonjë çrregullim të shëndetit mendor. Për arsyet e mësipërme, është e nevojshme t’i jepet përparësi shëndetit mendor për të përmirësuar, krahas mirëqenies personale, të përgjithshme./FrontOnline/