Ilir Abdullahu, kryeshef i Ndërmarrjes Publike (NP) ujësjellësi “Prishtina” Ilir Abdullahu gjatë vitit që lamë pas ka punësuar në ndërmarrjen e tij (emra të njohur për redaksinë), të cilët nuk i kanë plotësuar kriteret bazë të konkursit, deri sa ata që i kanë plotësuar të gjitha kriteret e punësimit janë diskriminuar, pasi që nuk janë seleksionuar në listën për t’u thirrur për test.

Në një raport  konfidencial të Zyrës së Auditorit të Brendshëm (ZAB), të cilin e ka siguruar “Front Online”, thuhet se procesi fillestar u seleksionimit tëkandidateve që kanë aplikuar për pozitën: Zyrtar në shërbimin e mbrojtjes të burimeve ujore janë identifikuar dy kandidatë (emra të njohur për redaksinë) që i kanë plotësuar kushtet për të hyrë në garën e procesit të rekrutimit, mirëpo nuk janë seleksionuar, apo thirrur në test fare.

Po ashtu, edhe për pozitën për punësimin e dy zyrtareve për regjistrim dhe kontrolle të pagesave është evidentuar një kandidat që e ka plotësuar testin 50 % dhe nuk është thirrur fare për intervistë. Por, në këtë rast sipas raportit të ZAB kandidati është vlerësuar vetëm më 49 pikë.

Po ashtu edhe në rastin tjetër: Arkëtar në pikat e inkasimit për Prishtinë kandidatja ka 52 pikë të fituara, por komisioni e ka vlerësuar më 48 pikë të fituara.

“Konsiderojmë se kandidatja është dashur të ftohet në intervistë”, thuhet në raportin e ZAB-it të siguruar nga “Front Online”.

Më tutje referuar raportit në fjalë, parregullsi të shumta janë hasur edhe në rastin e punësimit të koordinatorit për shërbime për njësi dhe arka.

“Kemi hasur disa parregullsi gjatë vlerësimit të poentimit të kandidateve qoftë në përgjigje të pyetjes, qoftë gjatë kalkulimit të pikëve të tyre. Po ashtu, kemi rastet kur kandidatet nuk janë poentuar fare edhe pse kanë dhënë përgjigje 75 % të pyetjes bazë” thuhet në raportine ZAB-it të siguruar nga “Front Online”.

Para disa ditësh bazuar në Ligjin për qasje në Dokumente zyrtare “Front Online” i ka dërguar pyetje kryeshefit të Ndërmarrjes Ilir Abdullahu,dhe zëdhënëses së kësaj kompanie publike, por nga ata nuk ka marrë përgjigje.

Po ashtu “Front Online” gjatë ditëve në vijim do të publikoj dokumente rreth shkeljeve tëshumta ligjore që kanë ndodhur në Ndërmarrjen Publike e cila drejtohet nga Ilir Abdullahu

/ Front Online /

Punësimet e jashtëligjshme të kryera nga drejtori i ujësjellësit “Prishtina”

Drejtori i Ujësjellësit për një vit punësoi 39 persona jashtë planit 

Skandaloze/ Kompania publike e Kosovës shpërblen me tender konzorciumin nga Beogradi! (Dokument)