Nëse keni ndonjë nga simptomat e mëposhtme, konsultohuni me mjekun tuaj për testimin e sheqerit në gjak sepse të njëjtat janë tregues se mund të jeni duke vuajtur nga diabeti.

Nëse urinoni shpesh, keni etje të tepruar, humbni peshë pa u përpjekur dhe jeni shumë të uritur, ju keni gjasë të keni një nga tipet e sëmundjes së diabetit, shkruan CDC, transmeton Klankosova.tv.

Konsultohuni me mjekun tuaj, edhe nëse keni shikim të paqartë, keni duar ose këmbë të mpirë, ndiheni shumë të lodhur, keni lëkurë shumë të thatë apo nëse plagët e juaja shërohen ngadalë.

Njerëzit që kanë diabet të tipit 1 mund të kenë gjithashtu  të vjella ose dhimbje stomaku. Simptomat e diabetit të tipit 1 mund të zhvillohen në vetëm disa javë ose muaj dhe mund të jenë të rënda.

Diabeti i tipit 1 zakonisht fillon kur jeni fëmijë, adoleshent ose i ri, por mund të ndodhë edhe në moshat e reja.

Simptomat e diabetit të tipit 2 shpesh duhen disa vite për t’u zhvilluar. Disa njerëz nuk vërejnë asnjë simptomë fare.

Për shkak se simptomat janë të vështira për t’u dalluar, është e rëndësishme të njihni faktorët e rrezikut për diabetin e tipit 2. Sigurohuni që të vizitoni mjekun tuaj nëse keni ndonjë prej tyre.

Diabeti gestacional (diabeti gjatë shtatzënisë) zakonisht nuk ka asnjë simptomë. Nëse jeni shtatzënë, mjeku juaj duhet t’ju testojë për diabetin gestacional midis javës 24 dhe 28 të shtatzënisë.

Nëse është e nevojshme, mund të bëni ndryshime për të mbrojtur shëndetin tuaj dhe shëndetin e fëmijës suaj.