Shoferin 52-vjeçar nga Kosova, i cili dyshohet se është shkaktar i aksidentit të tmerrshëm në Kroaci në të cilin kanë humbur jetën 10 persona dhe 45 janë lënduar, po mbrohet nga njëri prej avokatëve më të njohur në Kroaci, Igor Çishper.

Ky i fundit tha se ai arriti të fliste me klientin e tij, transmeton FrontOnline. “Atij i vjen keq për gjithçka që ndodhi. Do ta shohim më tej. Me sa kam informacion nga ai, ai kurrë nuk i tha askujt se e zuri gjumi”, pohon ai dhe shton se shoferi i zbuloi se çfarë ndodhi, por ai nuk mund të flasë për këtë.

Sipas Çishper, shoferi do të mbrohet nga ai dhe Ljubo Pavasovic Viskovic.

Në anën tjetër, gjykatësi hetues shpjegoi se marrëveshja që Kroacia ka me Kosovën për bashkëpunimin në procedurat penale nuk parashikon ekstradimin e qytetarëve për shkak të ndjekjes penale. “Procedura do të kryhet në Kroaci. Sidoqoftë, ekziston një mundësi ligjore që ajo të zhvillohet në Kosovë, por kërkon pëlqimin e të dy palëve, nuk i takon mbrojtjes të vendosë”, thotë ai./FrontOnline/