Kryeprokurori i Azerbajxhanit përmes një deklarate tha se Armenia qëllimisht është duke i vënë në shënjestër vendbanimet civile.

Që nga 27 shtatori, kur shpërtheu konflikti i armatosur mes Armenisë dhe Azerbajxhanit, 27 civilë azerë janë vrarë dhe 141 të tjerë janë plagosur gjatë sulmeve të forcave armene, shkruan Anadolu.

Armenia dhe Azerbajxhani kanë qenë pjesë e Bashkimit Sovjetik deri në shpërbërjen e tij më 1991.

Për katër dekada, këto dy shtete të vogla janë në konflikt të pazgjidhur për rajonin Nagorno-Karabak, i cili nga komuniteti ndërkombëtar njihet si territor i Azerbajxhanit, por që kontrollohet nga armenët

Para këtij viti, tensionet ishin rritur edhe në vitin 2016, kur forcat e të dyja vendeve ishin përleshur për katër ditë me radhë.

Organizata për Siguri dhe Bashkëpunim në Evropë (OSBE) është përpjekur për një kohë të gjatë që të gjejë një zgjidhje për këtë mosmarrëveshje duke e formuar Grupin e Minskut, të përbërë nga diplomatët francezë, rusë dhe amerikanë, me qëllim të arritjes së një armëpushimi të qëndrueshëm.