I pari i Federatës të Futbollit të Francës, Noel Lë Gret, i ka kërkuar falje legjendës së futbollit, Zinedine Zidane.

Duket se presidenti i federatës franceze, Lë Gret, ka kërkuar falje për sa i përket situatës së krijuar së fundmi, përcjell FrontOnline.

Me një deklaratë, ai u shpreh se nuk kishte ndërmend që ta bënte Zidanin si trajner të kombëtares së “Gjelave” dhe se ishte i vendosur për të mbajtur Didier Deshampsin.

Pas “kryqëzimeve” që i bënë mediat franceze, por edhe lojtarët e klubet e futbollit, Lë Gret doli me një falje publike për ish-futbollistin.

“Këto komentet e çuditshme kanë krijuar një keqkuptim të madh. Do të doja të kërkoja falje personalisht për këto komente, të cilat nuk i reflektojnë mendimet e mija dhe as konsiderata e mija për futbollistin që Zidan ka qenë dhe për trajnerin që është bërë”, u shpreh numri një i futbollit në Francë./FrontOnline/