Ministri i Drejtësisë, Selim Selimi u takua me homologen e tij nga Shqipëria, Etilda Gjonaj.Sipas Selimit ishte takim miqësor dhe i frytshëm.

Selimi tha se synohen prespektiva te reja në zhvillimin e dy vendeve, ku ai tha se i domosdoshëm është fuqizimi i sundimit të ligjit.

Ky është postimi i tij i plotë:

Ndjenjë e veçantë të qëndroj për vizitë zyrtare sot në Republikën e Shqipërisë në cilësinë e Ministrit të Drejtësisë së Kosovës. Me homologen time shqiptare, Etilda Gjonaj, zhvilluam një takim miqësor dhe të frytshëm në funksion të fuqizimit të dialogut mes dy ministrive tona dhe avancimit të mëtejmë të bashkëpunimit tashmë të shkëlqyer të Kosovës dhe Shqipërisë në fushën e drejtësisë. Me synimin për të hapur perspektiva të reja për zhvillimin e vendeve tona dhe përshpejtimin e bashkimit në familjen europiane, është i domosdoshëm fuqizimi i sundimit të ligjit, si bazë e integrimit në Bashkimin Europian.