Komisioni i imuniteteve në Dhomën e Senatit në Parlamentin italian ka votuar kundër heqjes së imunitetit të senatorit për Liderin e Levizjes Lidhja, Matteo Slavini.
Heqja e imunitetit të mandatit të senatorit kishte ardhur me kërkesë të Prokurorisë së Palermos e cila kërkon nisjen e një procesi gjyqësor ndaj Matteo Salvinit në kohën kur ishte Ministër i Brendshëm me akuzën e sekuestrimit të personit dhe abuzim detyre në vonesën e treguar në zbarkimin në brigjet siçiliane të rreth 150 emigrantëve të anijes humanitare ‘Open Arms’ në 20 gusht të 2019.
Komisioni i imuniteteve në Senatin italian, pasi është njohur paraprakisht me dokumentacionin shumëfaqësh të akteve hetimore të Prokurorisë së Palermos, ka votuar sot kundër heqjes se imunitetit të senatorit Salvini.
Kundër një procesi ndaj Matteo Salvinit kanë votuar 13 senatorë të qëndrës së djathtë italiane, 7 senatorë të Lëvizjes 5 Yje e të partisë Demokratike. Ndërkohë kanë votuar pro 3 senatorë të Partisë Italia Viva ndërsa Matteo Renzi ka abstenuar.
“Komisoni i imuniteteve ka votuar kundër pasi kanë vlerësuar se si ish Ministër i Brendshëm kam vepruar për të mirën e interesit publik dhe jo atij privat” ka komentuar Matteo Salvini.
“Kam bërë vetëm detyrën time në interes të popullit italian, është shprehur ish ministri i Brendshëm i qeverisë Conte 1 .
Lideri i Lidhjes shprehet i suprizuar se si Lëvizja 5 Yej ka ndryshuar mëndim duke kërkuar fajësimin e Salvnit në ndalimin e emigrantëve, kur ishin në të njëjtin mendim me të në kohën e qeverisjes Conte 1.
Ndërsa për abstenimin e senatorëve renzianë është shprehur se nuk ka pretenduar asgjë nga ata por kanë qënë aktet e prokurorisë që i kanë bindur se ky ishte një proces i pabazë.
