Zgjedhjet e nesërme janë të pestat që po mbahen në Kosovë që nga viti 2010.

Por, nga ky vit e deri më tani numri i votuesve femra dhe meshkuj ka ndryshuar në secilën palë të zgjedhjeve.

Për dallim nga viti 2010 kur në Kosovë votuan 411 mijë e 376 meshkuj  apo shprehur në përqindje 48.92% dhe 296 mijë e 280 femra apo 37.52% në zgjedhjet e vitit 2019 numri i meshkujve e po ashtu edhe i femrave që morën pjesë në zgjedhje është rritur, raporton Front Online.

Në vitin 2019 kanë votuar 462 mijë e 9 meshkuj, ndërsa 364 mijë e 988 femra.

Sipas një raporti të Komisionit Qendror të Zgjedhjeve në vitin 2014 kanë votuar 421 mijë e 824 meshkuj dhe 312 mijë e 692 femra.

Kurse, më 2017 në zgjedhje kanë marrë pjesë 431 mijë e 212 meshkuj dhe 315 mijë e 949 femra./Front Online/